«الماتى – بىشكەك» اۆتوجولىنىڭ 19–27 شاقىرىمى ءتورت جولاقتان سەگىز جولاققا كەڭەيتىلەدى, دەپ حابارلايدى Egemen.kz.
«قازاۆتوجول» كومپانياسىنىڭ حابارلاۋىنشا, قازىر جوبالاۋ-ىزدەستىرۋ جۇمىستارى جۇرگىزىلىپ جاتىر. جوبا اياسىندا ورتالىق ءبولۋ جولاعىن, زاماناۋي جارىقتاندىرۋ جۇيەسىن, اۆتوبۋس ايالدامالارىن جانە جاياۋ جۇرگىنشىلەرگە ارنالعان جەر ءۇستى وتكەلىن سالۋ قاراستىرىلعان.
بۇدان بولەك, قوزعالىس قاۋىپسىزدىگىن ارتتىرىپ, كولىك بايلانىسىن جاقسارتۋ ءۇشىن «تاعا» پىشىنىندەگى ەكى جولايرىق سالۋ جوسپارلانىپ وتىر.
«جوبالاۋ – كۇردەلى ءارى كوپ كەزەڭنەن تۇراتىن پروتسەسس. قازىر گەولوگيالىق, ەكولوگيالىق جانە گەودەزيالىق زەرتتەۋلەر اياقتالۋعا جاقىن. جوبالاۋ جۇمىستارى وسى جىلدىڭ سوڭىنا دەيىن اياقتالادى», دەلىنگەن حابارلامادا.
جوبالاۋ ناتيجەسىندە دايىندالعان قۇجاتتاما مەملەكەتتىك ساراپتاماعا جولدانادى. قۇرىلىس جۇمىستارى ساراپتامادان وڭ قورىتىندى الىنىپ, قارجىلاندىرۋ بولىنگەننەن كەيىن باستالادى. بۇل جوبا الماتى قالاسى مەن شەكارا ماڭى باعىتىنداعى جول ينفراقۇرىلىمىن جاڭعىرتۋدىڭ ماڭىزدى قادامى بولماق.