وسكەمەن. 19 اقپان. شىعىس قازاقستان وبلىسى اباي اۋدانىنىڭ ورتالىعى – قاراۋىل اۋىلىنداعى كوپ بالالى جانە تۇرمىسى تومەن وتباسىلارعا ارنالعان ينتەرناتتا «ەرتەگىلەر ەلىنە ساياحات» اتتى ەرتەڭگىلىك ءوتتى. بۇل تۋرالى egemen.kz ءتىلشىسى حابارلادى. اتالعان شارا «نۇر وتان» پارتياسىنىڭ بالدىرعانداردىڭ الەۋمەتتىك بەيىمدەلۋىنە قولايلى جاعداي تۋعىزۋعا باعىتتالعان «باقىتتى بالالىق» جوباسى شەڭبەرىندە ۇيىمداستىرىلدى. اۋداندىق ءبىلىم ءبولىمىنىڭ باسشىسى ماقسات نۇرسۇلتان ۇلى, «نۇر وتان» پارتياسى اۋداندىق فيليالى توراعاسىنىڭ ءبىرىنشى ورىنباسارى قايىرعازى دۇرمەكباي, پارتيانىڭ وبلىستىق فيليالى سايلاۋالدى تۇعىرناماسىن ىسكە اسىرۋ جانە ورىنداۋ ءبولىمىنىڭ كەڭەسشىسى ديدار ورالبەك ۇلى جانە ينتەرنات مەڭگەرۋشىسى باقىتجامال مۇسابەكقىزى قاتىستى.
بۇل ءىس-شارادا تاربيەشىلەر ءسابيدىڭ سانا-سەزىمىن دامىتۋ ءۇشىن ويىن, ەرتەگى تۇرلەرىن ۇتىمدى پايدالانا وتىرىپ, ەرتەگى كەيىپكەرلەرى ارقىلى وقۋشىلاردى ادام بويىنداعى جاقسى-جامان قاسيەتتەردى اجىراتا بىلۋگە, ۇيىمشىلدىققا تاربيەلەيدى. ىزگى قاسيەتتەرگە باۋلىپ, جاعىمسىز قاسيەتتەردەن اۋلاق بولۋعا شاقىرادى. بالا تاربيەسىندە ەرتەگىنىڭ ورنى ەرەكشە ەكەنىن تۇسىندىرەدى. شارا بارىسىندا بالالار وزدەرىنىڭ ەرەكشە شىعارماشىلىق تالانتى مەن قابىلەتىن كورسەتۋگە مۇمكىندىك الدى. «التىن قاقپا», «عاجايىپ المالار», «مەنىڭ سۇيىكتى كەيىپكەرلەرىم!» اتتى ءۇش كەزەڭنەن تۇراتىن ساياحات تۇرىندەگى ويىن قىزعىلىقتى ءوربىدى. ەرتەڭگىلىكتى بۇلدىرشىندەر «ەرتەگى الەمى» انىمەن ءتامامدادى.
56 ءبۇلدىرشىن تاربيەلەنىپ جاتقان بال كۇلكىلى ورتادا وسىنداي ءماندى شارالار ءجيى وتكىزىلەدى, – دەيدى ينتەرنات باسشىسى ب.بوزانباەۆا.
دۋمان اناش.
دەرەك: egemen.kz.
سۋرەت: «نۇر وتان» پارتياسى شقو فيليالى.