استانا. 19 اقپان. ليۆيادا «يسلام مەملەكەتى» ۇيىمىنىڭ سودىرلارىن جويۋعا باعىتتالعان وپەراتسيا بارىسىندا 150 لاڭكەستىڭ كوزى جويىلدى. بۇل تۋرالى «گازەتا.Ru» حابارلادى.
وپەراتسيا بارىسىندا ونداعان سودىر قاماۋعا الىندى. ءىس-شارا مىسىردىڭ ارنايى جاساقتالعان اسكەري وتريادىنىڭ كومەگىمەن جۇرگىزىلدى. دەرنا قالاسىندا بولعان جورىقتا مىسىر اسكەرى 2 جاۋىنگەرىنەن ايرىلدى.
ايتا كەتەيىك, سوڭعى كەزدەرى مىسىردىڭ اسكەري اۋە كۇشتەرى ايماقتا اۋە شابۋىلدارىن جيىلەتتى. وعان جۋىردا «يسلام مەملەكەتى» سودىرلارىنىڭ 21 مىسىرلىقتى جەر جاستاندىرعانى سەبەپ بولدى. لاڭكەستىك ۇيىم مىسىرلىقتاردىڭ قالاي ولتىرىلگەنى تۋرالى بەينەنى عالامتورعا جۇكتەگەن بولاتىن. ەلدە 7 كۇندىك ۇلتتىق ازا تۇتۋ كۇنى جاريالاندى. مىسىر پرەزيدەنتى لاڭكەستەردىڭ قولىنان قازا تاپقاندار ءۇشىن كەك قايتاراتىنىن مالىمدەدى.
مۇرات ايتقوجا.