اتىراۋ وبلىسىنداعى قۇلسارى قالاسىندا شىلدەدە اۆتوبۋس پەن موتوتسيكل سوقتىعىسقان. جول اپاتىنىڭ سالدارىنان كامەلەتكە تولماعان ءجاسوسپىرىم اۋرۋحانادا كوز جۇمعان ەدى, دەپ جازادى Egemen.kz.
وسىعان بايلانىستى قىلمىستىق كودەكستىڭ 345-بابىنىڭ 3-بولىگىمەن (ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ) قىلمىستىق ءىس قوزعالعان ەدى. اتالعان ءىس جىلىوي اۋداندىق سوتىندا قارالدى.
«2025 جىلعى 7 شىلدەدە قۇلسارى قالاسىندا اۆتوبۋس جۇرگىزۋشىسى و. كوشە قيىلىسىندا جول بەلگىسىن ەلەمەي, كامەلەتكە تولماعان ب. ايداپ كەلە جاتقان موتوتسيكلمەن سوقتىعىسىپ, جول-كولىك وقيعاسىن جاساعان. جول اپاتىنىڭ سالدارىنان كامەلەتكە تولماعان ب. ەسىن جيماستان اۋرۋحانادا قايتىس بولعان», دەپ حابارلادى اۋداندىق سوتتان.
پروكۋرور ايىپتالۋشىعا 5 جىل مەرزىمگە كولىك قۇرالدارىن باسقارۋ قۇقىعىنان, 2 جىل 6 اي مەرزىمگە باس بوستاندىعىنان ايىرۋ جازاسىن تاعايىنداۋدى ۇسىندى. جابىرلەنۋشىنىڭ وكىلى زاڭ تالاپتارىنا سايكەس جازا بەرۋدى سۇرادى. الايدا ايىپتالۋشى ءوز كىناسىن مويىنداماعان.
«سوتتالۋشىنىڭ اسىراۋىندا جاس بالالارىنىڭ بارى, بۇرىن سوتتالماعانى جازا مەن قىلمىستىق جاۋاپكەرشىلىكتى جەڭىلدەتەتىن ءمان-جايلار رەتىندە تانىلدى. اۋىرلاتاتىن ءمان-جايلار انىقتالمادى. جۇرگىزۋشى و. قىلمىستىق كودەكستىڭ 345-بابىنىڭ 3-بولىگىمەن كىنالى دەپ تانىلدى. وعان 5 جىل مەرزىمگە كولىك قۇرالدارىن باسقارۋ قۇقىعىنان, 2 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى», دەپ مالىمدەدى جىلىوي اۋداندىق سوتىنان.
سوت ۇكىمى زاڭدى كۇشىنە ەنگەن جوق.