پرەزيدەنت جاقىندا ۇكىمەتكە ەكونوميكالىق احۋالدى تۇراقتاندىرۋ ءۇشىن ناقتى شارالار ازىرلەۋ تۋرالى تاپسىرما بەرىلىپ, وسىعان بايلانىستى بىرقاتار ماڭىزدى شەشىم قابىلدانعانىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
KIA Qazaqstan زاۋىتىن سالۋ تۋرالى شەشىم 2023 جىلى قابىلداندى. كاسىپورىن قوستاناي قالاسىنىڭ يندۋستريالىق ايماعىنداعى 62,95 گەكتار اۋماقتا ورنالاسقان. زاۋىت جىلىنا 70 مىڭ كولىك وندىرە الادى. ينۆەستيتسيا كولەمى – 131,5 ميلليارد تەڭگە. كاسىپورىندا 1500 جۇمىس ورنى اشىلعان. ال ونىڭ ءونىمى قازاقستانعا, ورتالىق ازيا جانە ەاەو ەلدەرىنىڭ نارىقتارىنا شىعارىلادى.
مەملەكەت باسشىسى قاسىم-جومارت توقاەۆ KIA Corporation پرەزيدەنتى حو-سۋنگ سونگتى ءىى دارەجەلى «دوستىق» وردەنىمەن ماراپاتتادى.
ء«بىز ءسىزدىڭ قازاق-كورەي ىنتىماقتاستىعىنىڭ دامۋىنا, قوس حالىقتىڭ اراسىنداعى دوستىقتىڭ نىعايۋىنا قوسقان ۇلەسىڭىزدى جوعارى باعالايمىز. شىن مانىندە, ەلىمىزدىڭ اۆتوكولىك سالاسىن دامىتۋعا سىڭىرگەن ەڭبەگىڭىز مول», دەدى پرەزيدەنت.