ەلىمىزدىڭ قالالارىندا ينتەرنەتكە جاپپاي قاۋىپسىز قولجەتىمدىلىكتى قامتاماسىز ەتەتىن ۇلتتىق Wi-Fi وپەراتورىن قۇرۋ جوسپارلانىپ وتىر. جوسپاردى جۇزەگە اسىرۋ بارىسى بۇگىن ۇكىمەت وتىرىسىندا تالقىلاندى, دەپ جازادى Egemen.kz.
جوبا الەۋمەتتىك ماڭىزى بار نىسانداردا جەلىنى ورنالاستىرادى. ناقتىراق ايتساق, شەكارا بەكەتتەرىندە, اۋەجايلاردا, تەمىرجول جانە اۆتوۆوكزالداردا, سونداي-اق مەكتەپتەر مەن مەديتسينالىق مەكەمەلەردە ۇلتتىق Wi-Fi وپەراتورى ىسكە قوسىلادى.
ء«بىز قۇرىپ جاتقان ينفراقۇرىلىم قازاقستاننىڭ جي-ەكونوميكانى قالىپتاستىرۋ باعىتىن قولداي وتىرىپ, جاساندى ينتەللەكت نەگىزىندە تسيفرلىق سەرۆيستەر مەن شەشىمدەردى دامىتۋ پلاتفورماسىنا اينالۋدا», دەدى «Freedom Telecom Operations» كومپانياسىنىڭ باسشىسى قايرات احمەتوۆ. ءبىرىنشى كەزەڭدە جوبا 10 قالادا 400 ورىندى قامتيدى. 2026 جىلعا قاراي جەلىنى 10 مىڭ قوسۋ نۇكتەسىنە دەيىن, ال 2027 جىلعا قاراي 20 مىڭعا دەيىن ارتتىرۋ جوسپارلانعان.