قازاقستاندىق قور بيرجاسى تسيفرلىق قارجى قۇرالدارىن ەنگىزۋدى پىسىقتاپ جاتىر. KASE باسقارما توراعاسى ءادىل مۇحامەدجانوۆ بۇگىن قور نارىعى پلاتفورماسىندا جۋرناليستەرمەن كەزدەسكەندە ۇلتتىق بانك قندرا-مەن جانە نارىقتىڭ كاسىبي قاتىسۋشىلارىمەن بىرلەسىپ, ناق وسى ينفراقۇرىلىمدى سيپاتتايتىن امو تۋرالى زاڭعا وزگەرىستەر ەنگىزۋدى اياقتاپ كالدى, دەپ جازادى Egemen.kz.
«سوندىقتان ءبىز وسى زاڭدى ازىرلەۋگە بەلسەنە قاتىسىپ, ءتيىستى - تەحنيكالىق جانە نورماتيۆتىك - زاڭدى قالىپتاستىرۋدامىز. زاڭنان كەيىن نارىقتى دا, ونىڭ جۇمىسىن دا ناقتىلايتىن زاڭعا تاۋەلدى اكتىلەر بولادى», دەپ حابارلادى ا.مۇحامەدجانوۆ.
ازىرگە ءتيىستى اپروباتسيا قندرا مەن ۇلتتىق بانك قۇمسالعىشى اياسىندا ءوتىپ جاتىر, وندا الەۋەتتى قاتىسۋشىلار مەن بولاشاق ويىنشىلار تەحنولوگيالىق جاعىن پىسىقتاپ, ءتۇرلى قۇرالداردىڭ مۇمكىندىكتەرىن سىناقتان ءوتىپ جاتىر.
«بىزدە ازىرگە سەرىكتەستىك قاتىناستار مەن تىكەلەي تارتۋ بويىنشا شارتتار جوق, بىراق نارىق قاتىسۋشىلارىمەن امق-نىڭ جاڭا تۇرىندە قانداي العاشقى قۇرالدار قىزىقتى بولاتىنىن ءتۇسىنۋ ءۇشىن ءوزارا ءىس-قيمىل جاسايمىز», دەپ تۇيىندەدى قازاقستاندىق قور بيرجاسىنىڭ باسشىسى.
بانكتەر تۋرالى جاڭا زاڭ قارجىلىق-تەحنولوگيالىق سەكتوردى ءارى قاراي دامىتۋعا جانە تسيفرلىق قارجى اكتيۆتەرىن رەتتەۋگە جاعداي جاسايتىنىن بۇعان دەيىن ايتقان بولاتىنبىز. قندرا توراعاسى مادينا ابىلقاسىموۆانىڭ ايتۋىنشا, زاڭ جوباسىندا تسيفرلىق قارجى اكتيۆتەرىنىڭ ءۇش ءتۇرى كوزدەلگەن: ونىڭ ايتۋىنشا, ۇلتتىق بانك ستەيبلكوينداردىڭ شىعارىلۋى مەن اينالىسىن رەتتەيتىن بولادى, ال اگەنتتىك - بازالىق اكتيۆپەن قامتاماسىز ەتىلگەن ساندىق اكتيۆتەردىڭ جانە ساندىق نىساندا ەميسسيالاناتىن قارجى قۇرالدارىنىڭ شىعارىلۋى مەن اينالىسىنا قويىلاتىن تالاپتاردى رەتتەيتىن بولادى.
تسيفرلىق قارجى اكتيۆتەرىن تسيفرلىق پلاتفورما وپەراتورلارى شىعاراتىن بولادى. بۇل قارجى نارىعىنىڭ جاڭا سۋبەكتىلەرى, ولاردىڭ قىزمەتىن ۇلتتىق بانك ليتسەنزيالايتىن بولادى.
تسيفرلىق قارجى اكتيۆتەرىنە ولاردىڭ اينالىسىنىڭ اشىقتىعى مەن سەنىمدىلىگىن قامتاماسىز ەتۋ ءۇشىن تاۋەكەلدەردى باسقارۋعا, اقپاراتتى اشۋعا جانە ينۆەستورلاردىڭ قۇقىقتارىن قورعاۋعا قويىلاتىن تالاپتار قولدانىلاتىن بولادى.