اتىراۋدا «Bereke fest» الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا, قازاقستاندىق وندىرۋشىلەردى قولداۋعا باعىتتالعان اۋقىمدى اكتسيا ءوتىپ جاتىر. بۇل اكتسيا 30 قازانعا دەيىن جالعاسادى, دەپ حابارلايدى Egemen.kz.
وبلىستىق كاسىپكەرلىك جانە ونەركاسىپ باسقارماسىنىڭ ءبولىم باسشىسى ريزابەك مۇساعاليەۆتىڭ ايتۋىنشا, اتالعان اكتسيانى قولداۋعا 60-تان استام ساۋدا نۇكتەسى قولداۋ ءبىلدىردى.
«اكتسيانىڭ ماقساتى – ازىق-ت ۇلىك باعاسىن 15 پايىزعا تومەندەتۋ ءۇشىن قازاقستاندىق تاۋارلاردىڭ ۋاقىتشا ارزانداتىلۋىن قامتاماسىز ەتۋ, وتاندىق ءونىمدى تۇتىنۋ كولەمىن ارتتىرۋ, وندىرۋشىلەر مەن ساۋدا جەلىلەرى اراسىنداعى بايلانىستاردى نىعايتۋ. بۇل ىشكى ءوندىرىستىڭ ەڭسە تىكتەۋىنە, ەلدىڭ ەكونوميكالىق تۇراقتىلىعىن نىعايتۋعا ىقپال ەتەدى» دەيدى ريزابەك مۇساعاليەۆ.
ونىڭ دەرەگىنە قاراعاندا, تومەن باعامەن ساتىلاتىن تاۋارلاردى «يارماركا», «انۆار», «Ideal» جانە «Marco» سەكىلدى ءىرى سۋپەرماركەتتەردەن تابۋعا بولادى. الەۋمەتتىك ماڭىزى بار ازىق-ت ۇلىك ونىمدەرىنە ارنالعان تومەن باعالار ارنايى بەزەندىرىلگەن سورەلەردە ورنالاستىرىلعان.