يۋنيسەف-ءتىڭ ەۋروپا جانە ورتالىق ازيا بويىنشا بالالاردى قورعاۋ ماسەلەلەرى جونىندەگى وڭىرلىك كەڭەسشىسى اارون گرينبەرگ قازاقستاننىڭ فيزيكالىق جانە پسيحولوگيالىق جازالاۋ دەڭگەيىن تومەندەتۋ بويىنشا وڭىرلىك كوشباسشىلار قاتارىنا ەنگەنىن اتاپ ءوتتى, دەپ حابارلايدى Egemen.kz.
بۇل دەرەكتەر يۋنيسەف ءار بەس جىل سايىن جۇرگىزەتىن حالىقارالىق «ميكس» زەرتتەۋىنىڭ ناتيجەلەرىنە نەگىزدەلگەن.
يۋنيسەف — بىرىككەن ۇلتتار ۇيىمىنىڭ بالالار قورى. بۇل — بۇكىل الەمدە بالالاردىڭ قۇقىقتارىن قورعاۋ, ءومىرىن ساقتاۋ جانە ءال-اۋقاتىن قامتاماسىز ەتۋمەن اينالىساتىن ەڭ تانىمال ۇيىمداردىڭ ءبىرى.
«ميكس زەرتتەۋى كورسەتكەندەي, قازاقستاندا تاربيەلەۋ بارىسىندا زورلىق-زومبىلىق ادىستەرىنىڭ تومەندەۋى بايقالادى. بۇل — جۇيەلى پروفيلاكتيكالىق شارالار مەن كۇش-جىگەردىڭ ناتيجەسى. ەندى وسى تومەندەۋگە نە سەبەپ بولعانىن ءتۇسىنىپ, ولاردىڭ تاجىريبەسىن پايدالانۋ ماڭىزدى», – دەدى اارون گرينبەرگ.
كونفەرەنتسياعا ەۋروپا مەن ورتالىق ازيانىڭ 32 ەلىنىڭ ۇكىمەتتەرى قاتىسىپ جاتىر.
بيىل قازاقستاندا جاسوسپىرىمدەر تاراپىنان 1600 قىلمىس تىركەلدى. بۇل تۋرالى ىشكى ىستەر ءمينيسترى ەرجان سادەنوۆ مالىمدەگەن ەدى.
ءمينيستردىڭ ايتۋىنشا, جاسوسپىرىمدەر قىلمىستارىنىڭ باسىم بولىگى ۇرلىق, بۇزاقىلىق, توناۋ جانە ەسىرتكى اينالىمىنا قاتىستى دەرەكتەردەن تۇرادى.
سونداي-اق وتكەن جىلى ەنگىزىلگەن تۇزەتۋلەر اياسىندا بۋللينگ ءۇشىن 256 قۇقىق بۇزۋشى جاۋاپقا تارتىلعان. مينيسترلىك بالالار مەن جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ باعىتىنداعى جۇمىستاردى كۇشەيتۋ قاجەتتىگىن اتاپ ءوتتى.
ءماجىلىس دەپۋتاتى رينات زايىتوۆ قازىرگى بالالاردىڭ قاتىگەز ەكەنىن جاسىرمادى. وعان اتا-انا تاربيەسى تىكەلەي اسەر ەتەتىنىن العا تارتتى.
قازاقستان بويىنشا شامامەن 75 كامەلەتكە تولماعان بالا قاماۋ ورىندارىندا جازاسىن وتەپ جاتىر. سونىمەن قاتار, الماتى وبلىسىنداعى جاۋگاشتى اۋىلىندا ورنالاسقان ايەلدەر كولونياسىندا شامامەن 600 سوتتالعان ايەل بار. سول مەكەمە جانىنداعى بوبەكتەر ۇيىندە 50-دەن استام بالا انالارىنىڭ قاسىندا ءومىر سۇرەدى.