«كەلەشەك مەكتەپتەرى» ۇلتتىق جوباسى اياسىندا پەداگوگتەردىڭ كاسىبي قۇزىرەتتىلىگىن دامىتۋعا ارنالعان كەشەندى باعدارلاما ىسكە اسىرىلىپ جاتىر, دەپ جازادى Egemen.kz.
وقىتۋ LMS تسيفرلىق پلاتفورماسى ارقىلى ونلاين وتكىزىلەدى. وقۋ-اعارتۋ مينيسترلىگى «ورلەۋ» بىلىكتىلىكتى ارتتىرۋ ۇلتتىق ورتالىعى ەڭ بەلسەندى قاتىسۋشىلار قاتارىندا استانا, شىمكەنت قالاسى جانە الماتى جانە تۇركىستان وبلىسى كوش باستاپ تۇرعانىن مالىمدەدى.
كۋرس باعدارلاماسى بازالىق دەڭگەيدەگى باستاۋىش سىنىپ, قازاق, ورىس جانە اعىلشىن تىلدەرى, ماتەماتيكا, ينفورماتيكا, فيزيكا, حيميا, بيولوگيا, گەوگرافيا جانە تاريح سىندى 11 ءپاندى قامتيدى.
پلاتفورداما پاندىك وقۋ ماتەريالدارى مەن مۇعالىمدەر ءۇشىن قيىندىق تۋدىراتىن تاقىرىپتاردى ايقىنداۋعا ارنالعان دياگنوستيكالىق تەستىلەر ۇسىنىلعان.
ايتا كەتەيىك, بىلتىر «كەلەشەك مەكتەپتەرى» ۇلتتىق جوباسى اياسىندا 35 مەكتەپتەن 2 مىڭنان استام پەداگوگ بىلىكتىلىكتى ارتتىرۋ كۋرستارىنان وتكەن.