شىمكەنت پەن قىزىلوردادا ءماجبۇرلى نەكە بويىنشا العاشقى ىستەر تىركەلدى

بيىل 16 شىلدەدە مەملەكەت باسشىسى قىلمىستىق زاڭنامانى وڭتايلاندىرۋ ماسەلەلەرى جونىندەگى زاڭعا قول قويدى. وسى زاڭمەن نەكە قيۋعا ماجبۇرلەۋ ءۇشىن قىلمىستىق جاۋاپتىلىق ەنگىزىلگەن (قك-ءتىڭ جاڭا 125-1-بابى).

ەگەر ايەل ۇرلانىپ, كۇش قولدانۋ قاۋپىمەن نەمەسە مۇلكىن جويۋ نە ءبۇلدىرۋ قاتەرىمەن نەكە قيۋعا ماجبۇرلەنسە, كىنالى ادامعا 2000 اەك-كە دەيىن ايىپپۇل سالۋ, نە ءدال سول مولشەردە تۇزەۋ جۇمىستارىنا تارتۋ, نە 2 جىلعا دەيىنگى مەرزىمگە بوستاندىعىن شەكتەۋ, نە سول مەرزىمگە باس بوستاندىعىنان ايىرۋ تۇرىندەگى جازا كوزدەلگەن.

ابايسىزدا اۋىر زارداپتار تۋىنداعان جاعدايدا – كىنالى ادام 5 جىلدان 10 جىلعا دەيىن باس بوستاندىعىنان ايىرۋ جازاسىنا تارتىلادى.

«نەكە قيۋعا ماجبۇرلەۋ دەرەكتەرى بويىنشا العاشقى قىلمىستىق ىستەر شىمكەنت جانە قىزىلوردا وبلىسىندا تىركەلگەن. ايتا كەتەرلىگى, ەكى جاعدايدا جابىرلەنۋشىلەر كامەلەتكە تولماعاندار بولعان», دەلىنگەن حابارلامادا.

تەرگەۋ جالعاسىپ جاتىر جانە پروكۋراتۋرا ورگاندارىنىڭ باقىلاۋىندا تۇر.