پەتروپاۆلدىڭ قۇتقارۋشىلارى بەسىنشى قاباتتاعى پاتەرىنىڭ بالكونىنا قامالىپ قالعان ايەلدى قۇتقاردى, دەپ حابارلايدى Egemen.kz.
بۇل وقيعا بالكون ەسىنىڭ قۇلپى اۆتوماتتى تۇردە جابىلىپ قالعانىنىڭ كەسىرىنەن بولعان. تازا اۋا جۇتپاق بولىپ بالكونعا شىققاندا ەسىك اۆتوماتتى تۇردە قۇلپىنا جابىلىپ قالعان. ۇيدە باسقا ەشكىم بولماعان. ايەلدىڭ قولىندا سمارتفونى دا بولماعان.
سوندىقتان ول ايعايلاپ كومەككە شاقىرۋعا ءماجبۇر بولعان. كورشىلەردىڭ ءبىرى قۇتقارۋشىلاردى شاقىرىپ, ولار ءۇيدىڭ توبەسىنەن ارقانمەن ءتۇسىپ, ابدەن توڭىپ, دىرىلدەگەن ايەلدى ەسىكتىڭ قۇلپىن بۇزىپ اشىپ, قۇتقارىپ الدى.
پەتروپاۆل