ەندى قازاقستاندا اۆتومەكتەپتەر تەك ىشكى ىستەر مينيسترلىگىنىڭ رۇقساتىمەن عانا اشىلادى. بۇل تۋرالى ۆەدومستۆو باسشىسى ەرجان سادەنوۆ مالىمدەدى. جاڭا شارالار جۇرگىزۋشىلەردى دايارلاۋ ساپاسىن ارتتىرۋعا جانە جول-كولىك وقيعالارىن ازايتۋعا باعىتتالعان, دەپ جازادى Egemen.kz.
ءمينيستردىڭ مالىمەتىنشە, جىل باسىنان بەرى 22 مىڭ قازاقستاندىق جۇرگىزۋشى كۋالىگىنەن ايىرىلعان, ال 19 مىڭ ادام اكىمشىلىك قاماۋعا الىنعان.
ء«بارىن رەتكە كەلتىرىپ جاتىرمىز. بارلىق اۆتومەكتەپ ەسەپكە الىندى. كۋرستار تۋرالى كۋالىكتەر مەن مەديتسينالىق انىقتامالار ەلەكتروندى فورماتقا كوشىرىلدى. ەندى اۆتومەكتەپ اشۋ رۇقساتىن بەرۋ قۇزىرەتى ءىىم-گە وتەدى», دەدى مينيستر.
سونداي-اق ۆەدومستۆو باسشىسى ەلىمىزدەگى اۆتوپاركتىڭ تەحنيكالىق جاعدايىنا دا نازار اۋداردى. ونىڭ ايتۋىنشا, ەلدەگى كولىكتەردىڭ 50 پايىزدان استامى 20 جىلدان ەسكى, ال تەحنيكالىق بايقاۋدىڭ ساپاسىنا قاتىستى دا كوپتەگەن سۇراقتار بار.
پوليتسيا تاراپىنان جىل باسىنان بەرى 202 مىڭ جاعدايدا اقاۋلى كولىكپەن جولعا شىعۋ, 117 مىڭ جاعدايدا تەحبايقاۋسىز ءجۇرۋ دەرەكتەرى انىقتالعان.
وسىعان بايلانىستى ءىىم كولىك مينيسترلىگىنە تەحنيكالىق بايقاۋ ستانتسيالارىنا جانە جولاۋشى تاسىمالداۋشىلارعا باقىلاۋدى كۇشەيتۋ جونىندە ۇسىنىس ەنگىزگەن.