الدىن الا مالىمەتتەر بويىنشا جەڭىل اۆتوكولىك قارسى جولاققا شىعىپ, جۇك كولىگىمەن سوقتىعىسقان. پوليتسيا قايعىلى جول اپاتى بويىنشا قىلمىستىق ءىس قوزعادى, دەپ حابارلايدى Egemen.kz.
قايعىلى وقيعا 11 قازان كۇنى «ومبى–مايقاپشاعاي» اۆتوجولىنىڭ قىزىلقوعام اۋىلىنان 3 شاقىرىم جەردە بولعان.
- «ۆاز-2110» ماركالى اۆتوكولىكتىڭ جۇرگىزۋشىسى قولايسىز اۋا رايى جاعدايىندا كولىكتى باسقارا الماي, قارسى قوزعالىس جولاعىنا شىعىپ كەتكەن. سول ساتتە قارسى كەلە جاتقان جۇك كولىگىمەن سوقتىعىسقان. وقيعا سالدارىنان جەڭىل كولىكتىڭ جۇرگىزۋشىسى مەن جولاۋشى كوز جۇمدى, - دەپ حابارلادى وڭىرلىك پوليتسيا دەپارتامەنتىنەن.
پوليتسيا جانتۇرشىگەرلىك كولىك اپاتى دەرەگى بويىنشا قىلمىستىق ءىس قوزعادى. وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىن بولادى.
پوليتسيەيلەر قايعىلى وقيعالاردىڭ الدىن الۋ ماقساتىندا جول قوزعالىسىنا قاتىسۋشىلارعا جول ءجۇرۋ ەرەجەلەرىن قاتاڭ ساقتاۋدى, جىلدامدىق رەجيمىن تومەندەتۋدى جانە كولىك قۇرالىنىڭ تەحنيكالىق جاعدايىن ۇنەمى قاداعالاپ وتىرۋدى ەسكەرتەدى.
پاۆلودار وبلىسى