بولاشاقتىڭ جاسىل ءارى ەكولوگيالىق قاۋىپسىز مەكتەپ جوباسىن تانىستىرعان اقبوتا بازارباي №29 مەكتەپتىڭ 9-سىنىپ وقۋشىسى, دەپ جازادى Egemen.kz.
ونىڭ جوباسى ديزاينمەن عانا ەمەس, ەكولوگيالىق جانە فۋنكتسيونالدىق شەشىمدەرىمەن دە نازار اۋدارتىپ وتىر. ناقتى اتاعاندا, ءۇش قاباتتى اينەك قابىرعالاردان تۇراتىن وقۋ كورپۋسى كۇن ەنەرگياسىمەن تولىق قامتىلىپ, تابيعي جارىقتىڭ بولمەلەرگە مولىنان ءتۇسۋىن قامتاماسىز ەتەدى.
باستى ەرەكشەلىگى تابيعاتپەن ۇيلەسىمدىلىك, وقۋشىلار ءبىلىم الۋمەن عانا شەكتەلمەي, تابيعاتتى ەركىن باقىلاۋعا, تازا اۋادا ءۇي تاپسىرمالارىن ورىنداۋعا مۇمكىندىك الادى.
جوبا يەسى مەكتەپتىڭ اينالاسىن دا مۇقيات ويلاستىرعان. ماكەتتە اعاشتار, سۋ بۇرقاقتارى جانە جاسىل فۋتبول الاڭى دا بار. بۇل تۇرعىدا بالالار دەنساۋلىعىن نىعايتىپ ءارى جاقسى دەمالۋعا مۇمكىندىك الادى.
استانا اكىمدىگىنىڭ رەسمي سايتىنىڭ مالىمەتىنشە جوبانىڭ تاعى ءبىر ماڭىزدى قىرى قولدانىلعان ماتەريالداردىڭ قايتالاما تۇرمىستىق قالدىقتاردان جاسالۋى. وسى ارقىلى اقبوتا بازارباي قورشاعان ورتاعا دەگەن جاۋاپكەرشىلىك پەن قايتا وڭدەۋدىڭ ماڭىزىن كورسەتتى.