عىلىم جانە جوعارى ءبىلىم مينيسترلىگىنىڭ مالىمەتىنشە, قازاقستان جوعارى ءبىلىم بەرۋ سالاسىندا العاش رەت الەمدىك كوشباسشىلاردىڭ قاتارىنا قوسىلعان. Times Higher Education World University Rankings 2026 رەيتينگىنەن ەلىمىزدىڭ 5 جوو كورىنگەن, دەپ جازادى Egemen.kz.
قازاقستان بۇل ناتيجەمەن ورتالىق ازيا مەن كاۆكاز ەلدەرى اراسىندا ەڭ كوپ وقۋ ورنى ەنگەن مەملەكەت بولىپ وتىر. Nazarbayev University العاش رەت الەمدىك توپ-500 قاتارىنا كوتەرىلسە,ء ال-فارابي اتىنداعى قازاق ۇلتتىق ۋنيۆەرسيتەتى ءوز ورنىن 1201-1500 دياپازونىندا ساقتاپ قالعان. سونداي-اق تىزىمگە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى, Satbayev University جانە قازاق اگرارلىق زەرتتەۋ ۋنيۆەرسيتەتى ەنگەن.
ەلىمىزدىڭ جوعارى ءبىلىم بەرۋ ورىندارى سان عانا ەمەس, ساپا تۇرعىسىنان دا ءوز پوزيتسياسىن نىعايتقان.
World University Rankings – بۇل زەرتتەۋ ۋنيۆەرسيتەتتەرىنىڭ ەڭ ءىرى جانە تەڭگەرىمدى حالىقارالىق رەيتينگى. ادىستەمە 18 كورسەتكىشكە نەگىزدەلگەن. ولار بەس باعىت بويىنشا توپتاستىرىلعان:
✔ وقىتۋ (Teaching) – ءبىلىم بەرۋ ساپاسى مەن اكادەميالىق بەدەل;
✔ زەرتتەۋ ورتاسى (Research Environment) – تابىس, ونىمدىلىك جانە زەرتتەۋ بەدەلى;
✔ زەرتتەۋ ساپاسى (Research Quality) – دايەكسوز كەلتىرىلۋى, زەرتتەۋ كۇشى مەن ىقپالى;
✔ حالىقارالىق باعدار (International Outlook) – شەتەلدىك ستۋدەنتتەر, قىزمەتكەرلەر جانە جاريالانىمدار ۇلەسى;
✔ يندۋستريامەن بايلانىس (Industry) – ونەركاسىپپەن ءوزارا ارەكەت جانە پاتەنتتىك بەلسەندىلىك.
باعالاۋ بارىسىندا 19 ميلليون عىلىمي جاريالانىم, 1,5 ميلليون ساراپشىنىڭ پىكىرى جانە 3 مىڭنان استام ۋنيۆەرسيتەتتىڭ ينستيتۋتسيونالدىق دەرەكتەرى ەسكەرىلگەن.