سوزىلمالى جانە قاتەرلى اۋرۋلاردى ەرتە انىقتاۋ ماقساتىندا تەگىن مەملەكەتتىك مەديتسينالىق كومەكتىڭ كەپىلدەندىرىلگەن كولەمى (تمككك) اياسىندا استانادا تەگىن سكرينينگ شاراسى وتەدى, دەپ جازادى Egemen.kz.
جىل سايىن ەلوردادا 330 مىڭنان استام تۇرعىن پروفيلاكتيكالىق تەكسەرۋ مەن سكرينينگتەن وتەدى. مۇنداي تەكسەرۋلەر اۋرۋدى ەرتە ساتىسىندا انىقتاۋعا مۇمكىندىك بەرەدى.
شارا اياسىندا مىناداي مەديتسينالىق تەكسەرۋلەردەن اقىسىز وتۋگە بولادى:
ارتەريالىق گيپەرتەنزيا, جۇرەكتىڭ يشەميالىق اۋرۋى, قانت ديابەتى, گلاۋكوما جانە باسقا دا قاۋىپ فاكتورلارى بويىنشا – 40 پەن 76 جاس ارالىعىنداعى ەرلەر مەن ايەلدەرگە; • ءسۇت بەزى قاتەرلى ىسىگىنە – 40 پەن 76 جاس ارالىعىنداعى ايەلدەرگە (مامموگرافيا ەكى جىلدا ءبىر رەت); • جاتىر موينى وبىرىنا – 30 بەن 74 جاس ارالىعىنداعى ايەلدەرگە (تسيتولوگيالىق تەست ءتورت جىلدا ءبىر رەت); • توق ىشەك قاتەرلى ىسىگىنە – 50 مەن 76 جاس ارالىعىنداعى ەرلەر مەن ايەلدەرگە (جاسىرىن قانعا تالداۋ ەكى جىلدا ءبىر رەت).
تەكسەرۋ ناتيجەلەرى ەلەكتروندى دەنساۋلىق پاسپورتىنا ەنگىزىلەدى. قاجەت بولعان جاعدايدا پاتسيەنت بەيىندى ماماندارعا نەمەسە قوسىمشا زەرتتەۋلەرگە جىبەرىلەدى.