ەلىمىز كەلەر جىلدان باستاپ گەرمانياعا جەتكىزىلەتىن مۇناي كولەمىن 30%-عا ۇلعايتپاق. بۇل كەلىسىم «قازمۇنايگاز» ۇك» باسقارما توراعاسى اسحات حاسەنوۆ پەن Rosneft Deutschland GmbH كومپانياسىنىڭ باس ديرەكتورى يوحانەس برەمەر اراسىنداعى كەزدەسۋ بارىسىندا بەلگىلى بولدى, دەپ جازادى Egemen.kz.
كەلىسسوزدەر كەزىندە وتاندىق مۇنايدى گەرمانياعا تاسىمالداۋ ماسەلەلەرى تالقىلانىپ, تاراپتار ءوزارا ءتيىمدى ىنتىماقتاستىقتى كەڭەيتۋگە دايىن ەكەنىن ءبىلدىردى.
قازاق مۇنايىن جەتكىزۋ تۋرالى قولدانىستاعى كەلىسىمشارت 2026 جىلدىڭ سوڭىنا دەيىن ۇزارتىلدى. قۇجاتقا سايكەس, اي سايىنعى جەتكىزۋ كولەمى 100 مىڭ توننادان 130 مىڭ تونناعا دەيىن وسەدى. مۇناي «قاراشىعاناق پەتروليۋم وپەرەيتينگ ب.ۆ.» كومپانياسىنىڭ رەسۋرستارىنان ەكسپورتتالادى.
ايتا كەتسەك, 2024 جىلى «قازمۇنايگاز» العاش رەت قاراشىعاناق كەن ورنىنان گەرمانياعا مۇناي جونەلتۋدى باستاعان بولاتىن. ال 2025 جىلى «تەنگيزشەۆرويل» وندىرگەن مۇناي ەكسپورتقا شىعارىلدى.
بيىلعى جىلدىڭ توعىز ايىنىڭ قورىتىندىسى بويىنشا قازاقستاننان گەرمانيانىڭ شۆەدت قالاسىنداعى مۇناي وڭدەۋ زاۋىتىنا شامامەن 1,5 ملن توننا مۇناي جەتكىزىلدى.