مەكتەپ وقۋشىلارىنىڭ ەڭبەك نارىعىندا سۇرانىسقا يە جۇمىسشى ماماندىقتارىنا ەرتە بەيىمدەلۋىن قامتاماسىز ەتۋ, ولاردىڭ تەحنيكالىق-كاسىپتىك بىلىمگە قىزىعۋشىلىعىن ارتتىرۋ جانە كاسىبي باعدارىن جۇيەلى تۇردە قالىپتاستىرۋ ماقساتىندا 1000 بەيىندىك سىنىپ قۇرۋ جۇزەگە اسىرىلىپ جاتىر, دەپ جازادى Egemen.kz.
وقۋ-اعارتۋ مينيسترلىگىنىڭ مالىمەتىنشە جالپى سانى 31 000-نان استام وقۋشى كاسىبي داعدىمەن قامتىلماق. 2025-2026 وقۋ جىلىندا تەحنيكالىق جانە ينجەنەرلىك, اقپاراتتىق-كوممۋنيكاتسيالىق تەحنولوگيالار, اۋىل شارۋاشىلىعى جانە ەكولوگيا, كولىك جانە لوگيستيكا, قىزمەت كورسەتۋ سالاسى, شىعارماشىلىق جانە مادەنيەت, مەديتسينا جانە الەۋمەتتىك قىزمەت كورسەتۋ باعىتتارى بويىنشا بەيىندىك سىنىپتار اشىلىپ جاتىر.
بەيىندىك سىنىپتار 9, 10, 11 سىنىپتاردىڭ وقۋشىلارىنا ارنالىپ, وڭىردەگى جۇمىسشى ماماندىقتار نەمەسە وزگە دە سالالار بويىنشا كادر تاپشىلىعىن ايقىندايتىن ءارى سول ماماندىقتارعا باعىتتايتىن بەيىندىك مازمۇندا جۇمىس ىستەيدى. وعان جوعارى وقۋ ورىندارى, كوللەدجدەر جانە جۇمىس بەرۋشىلەر دە اتسالىسادى. بەيىندىك سىنىپتاردىڭ باعىتىن وقۋ جىلى ىشىندە ەكى رەت وزگەرتۋگە بولادى.