توبىل-تورعاي باسسەين ينسپەكتسياسىنىڭ ماماندارى تەكسەرىس بارىسىندا اتالعان وبلىستىڭ رۋدنىي قالاسىنداعى ءبىر كاسىپورىننىڭ ۇڭعىمادان ارنايى رۇقساتسىز سۋ الىپ كەلگەنىن انىقتاپ, «سۋعا مەملەكەتتىك مەنشىك قۇقىعىن بۇزۋ» بابى بويىنشا 1 671 100 تەڭگە كولەمىندە ايىپپۇل سالعان. بۇل – اتالعان باسسەين ينسپەكتسياسى جىل باستالعالى سالعان ەڭ ءىرى ايىپپۇل, دەپ جازادى Egemen.kz.
ينسپەكتسيا بيىل – اكىمشىلىك قۇقىق بۇزۋشىلىق تۋرالى كودەكستىڭ 141-بابىن بۇزعان بەس دەرەك تىركەپ, جالپى سوماسى 2 339 540 تەڭگە ايىپپۇل سالعان. بارلىق زاڭبۇزۋشىعا ارنايى سۋ پايدالانۋ رۇقساتىن الۋ جونىندە نۇسقاما بەرىلىپ, ءتيىستى ۇسىنىستار جاسالدى.
توبىل-تورعاي باسسەين ينسپەكتسياسىنىڭ باسشىسى المات ابجانوۆتىڭ ايتۋىنشا, جاڭا سۋ كودەكسىنە ەنگىزىلگەن قاداعالاۋ وكىلەتتىكتەرى باسسەين ينسپەكتسيالارىنا ازاماتتاردىڭ وتىنىشتەرىنە, سۋ زاڭناماسىن بۇزۋ تۋرالى مالىمەتتەرگە جانە مونيتورينگ ناتيجەلەرىنە جەدەل ارەكەت ەتۋگە مۇمكىندىك بەرەدى.
«ينسپەكتورلار وقيعا ورنىنا دەرەۋ بارىپ, زاڭبۇزۋشىلىق راستالعان جاعدايدا اكىمشىلىك ايىپپۇل سالا الادى. بۇل زاڭسىز سۋ الۋعا جانە سۋدىڭ «قارا نارىعىنا» قارسى ءتيىمدى كۇرەس جۇرگىزۋگە جول اشادى», دەيدى ا.ابجانوۆ.