اتىراۋ قالاسىندا ورنالاسقان مەيرامحانا كەشەنىندە ءىرى ءورت شىقتى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
توتەنشە جاعداي 4 قازاندا اتىراۋدىڭ گەولوگ شاعىن اۋدانىندا بولدى. الدىن الا مالىمەت بويىنشا, اققۇلوۆ كوشەسىندەگى ەكى قاباتتى مەيرامحانا كەشەنىنىڭ شاتىرى جانىپ كەتكەن.
ءورتتىڭ جالپى اۋماعى – 500 شارشى مەتر; ەكىنشى قاباتتاعى كافە شاتىرىنا دەيىن وت شارپىعان; قاتتى ورتەنگەن بولىگى – اعاشتان جاسالعان شاتىر كونسترۋكتسيالارى.
قر تجم دەرەگىنشە, ءورتتى ءسوندىرۋ ءۇشىن وقيعا ورنىنا ءورت ءسوندىرۋ بولىمدەرى جىبەرىلگەن.
ء«ورت 500 شارشى مەتر اۋماقتا تولىق ءسوندىرىلدى. قازا تاپقاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر», – دەلىنگەن ۆەدومستۆو حابارلاماسىندا.