بۇل تۋرالى قر پرەزيدەنتىنىڭ كومەكشىسى – ءباسپاسوز حاتشىسى رۋسلان جەلدىباي Telegram ارناسىندا جازدى, دەپ جازادى Egemen.kz.
«پرەزيدەنت ۇكىمەتكە «تورعاي - ىرعىز» جانە باتىس باعىتىنداعى باسقا دا اۆتوكولىك جولدارىنىڭ قۇرىلىسىن جەدەلدەتۋدى تاپسىردى», دەلىنگەن حابارلامادا.
پرەزيدەنت تاپسىرعان استانا–ارقالىق–تورعاي–ىرعىز كۇرە جولى – ستراتەگيالىق ماڭىزى بار ينفراقۇرىلىمدىق جوبا. بۇل باعىت ورتالىق پەن باتىس وڭىرلەر اراسىنداعى بايلانىستى 560 شاقىرىمعا قىسقارتىپ, لوگيستيكانى جەڭىلدەتەدى. كولىك شىعىندارى ازايىپ, جۇك تاسىمالى جەدەلدەيدى.