وسكەمەن قالاسىندا ەسىرتكى ساتاتىن ونلاين-دۇكەندەردىڭ جارناماسى مەن «قويماشى بولىپ جۇمىس ىستەۋ» تۋرالى ۇسىنىستار جازىلعان جازۋلار ءوشىرىلدى, دەپ جازادى Egemen.kz.
«ەسىرتكى گراففيتيلەرىن» وشىرۋگە 100-گە جۋىق ادام قاتىسقان. تۇرعىن ءۇي اۋلالارىن ارالاۋ بارىسىندا 50-دەن استام ەسىرتكى گراففيتيلەرى انىقتالعان.
شقو پروكۋراتۋراسى رەيدتەردىڭ ناتيجەسىندە «ەسىرتكى قۇرالدارىن ناسيحاتتاۋ نەمەسە زاڭسىز جارنامالاۋ» بويىنشا 8 قىلمىستىق ءىس قوزعالعانىن حابارلادى.
قۇزىرلى ورگان مۇنداي جازۋلاردى سالۋ — بەيقام ارەكەت ەمەس, بۇل قىلمىستىق جازالاناتىن ءىس-ارەكەت جانە اۋىر جازاعا, ءتىپتى باس بوستاندىعىنان ايىرۋعا اكەلۋى مۇمكىن ەكەنىن ەسكەرتكەن.