تاراز قالاسىنداعى «الەۋمەتتىك بازار» الاڭىندا اۋىل شارۋاشىلىعى ونىمدەرىنىڭ قولجەتىمدىلىگىن قامتاماسىز ەتۋ ماقساتىمەن كەزەكتى جارمەڭكە ءوتتى, دەپ حابارلايدى Egemen.kz.
جارمەڭكەدە تاراز قالاسى تاۋار وندىرۋشىلەرىنىڭ جانە تۇراقتاندىرۋ قورىنىڭ ونىمدەرى ۇسىنىلدى.
اتاپ ايتساق, جالپى قۇنى 12,3 ميلليون تەڭگەنى قۇرايتىن 20,9 توننا اۋىل شارۋاشىلىعى تاۋارلارى, ونىڭ ىشىندە 1 توننا تاۋىق ەتى, 800 كەلى, 2 توننا ءسۇت, 1 مىڭ دانا جۇمىرتقا, 200 كەلى تۇز, 200 كەلى بالىق, 5 توننا ۇن, 700 كەلى بال جانە 500 كەلى كونديتەرلىك, 500 كەلى ماكارون, 10 توننا جەمىس-جيدەك پەن كوكونىس ونىمدەرى ساتىلىمعا شىعارىلدى. جارمەڭكەدە قاجەتتى تاۋارلار نارىق قۇنىنان 15-20 پايىزعا تومەن باعادا وتكەرىلدى.
تاراز