جامبىل وبلىسىنا قاراستى شالعايداعى مويىنقۇم اۋدانىنىڭ ايدارلى اۋىلىندا زاماناۋي دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى, دەپ حابارلايدى Egemen.kz.
سالتاناتتى راسىمگە اۋدان اكىمى ەرمەك كارەنتاەۆ قاتىسىپ, تۇرعىنداردى قۋانىشىمەن قۇتتىقتادى. اۋىل اقساقالدارى سپورت كەشەنىنىڭ لەنتاسىن قيىپ, جۇرتشىلىققا ىزگى تىلەكتەرىن جەتكىزدى.
«بۇگىنگى كۇن – بارشا اۋىل ءۇشىن تاريحي ءسات. جاڭا كەشەن – مەملەكەتتىڭ قولداۋىنىڭ, ەل بىرلىگىنىڭ جانە جاستارعا دەگەن قامقورلىقتىڭ ناقتى كورىنىسى», – دەيدى بوگەنباي بيداسباەۆ.
كەشەننىڭ قۇرىلىسى «اۋىل – ەل بەسىگى» باعدارلاماسى اياسىندا جۇزەگە استى. جوبا قۇنى – 359,2 ملن تەڭگە. ەكى قاباتتى عيماراتتا اۋىل بالالارى مەن جاسوسپىرىمدەرى كۇرەس, بوكس, فۋتبول, باسكەتبول جانە ۆولەيبول سىندى سپورت تۇرلەرىمەن شۇعىلدانا الادى.
اۋدان اكىمدىگىنىڭ مالىمەتىنشە, قازىر مويىنقۇمدا 154 سپورت نىسانى بار: 3 سپورت كەشەنى, 1 ورتالىق ستاديون, 32 سپورت زالى جانە 118 سپورت الاڭى. جاڭا كەشەننىڭ ىسكە قوسىلۋىمەن سپورتتىق ينفراقۇرىلىممەن قامتىلۋ دەڭگەيى 76,2 پايىزعا جەتتى. ال تۇرعىنداردىڭ 41,9 پايىزى تۇراقتى تۇردە سپورتپەن شۇعىلدانادى.
جامبىل وبلىسى