30 قىركۇيەك ەلىمىزدە ادىلەت ورگاندارى قىزمەتكەرلەرىنىڭ كاسىبي مەرەكەسى اتالىپ وتىلەدى. ەلىمىزدەگى نورما شىعارۋ ۇدەرىسىنىڭ ۇيلەستىرۋشىسى, زاڭ ۇستەمدىگىنىڭ ورىندالۋى مەن قۇقىقتىق نەگىزىن قالىپتاستىرۋشى مامانداردىڭ ازاماتتاردىڭ قۇقىقتىق ساۋاتىن ارتتىرۋدا دا الار ورنى ەرەك, دەپ جازادى Egemen.kz.
ادىلەت ورگاندارىنىڭ مىندەتى تەك سوت شەشىمدەرىنىڭ ورىندالۋىن قامتاماسىز ەتۋمەن شەكتەلمەيدى. ءتارتىپتى تۋ ەتكەن قىزمەتكەرلەردىڭ ەسەلى ەڭبەگىن استانا قالاسىنىڭ ادىلەت دەپارتامەنتىنىڭ باسشىسى تالعات ابۋباكىر تارقاتا ايتىپ بەردى.
«ادىلەت ورگاندارى زاڭ سالاسىنداعى كاسىبي قاۋىمداستىقتاردىڭ – ادۆوكاتتار القاسى, نوتاريات, جەكە سوت ورىنداۋشىلار جانە زاڭ كونسۋلتانتتارى پالاتاسىنىڭ جۇمىسىن ۇيلەستىرەدى. سونىمەن قاتار, كوممەرتسيالىق ەمەس ۇيىمداردى تىركەۋ جانە قايتا تىركەۋ باعىتىندا دا جۇمىس اتقارادى. ياعني, ادىلەت ورگاندارى – قوعامدا قۇقىقتىق ءتارتىپ پەن زاڭ ۇستەمدىگىن قامتاماسىز ەتەتىن نەگىزگى مەملەكەتتىك ينستيتۋتتاردىڭ ءبىرى», دەدى ول.
سالادا 18 جىلدان استام ۋاقىت قىزمەت ەتىپ كەلە جاتقان تالعات مەيىرىمحان ۇلى زاڭنىڭ ءادىل ورىندالۋى مەن قوعامدا قۇقىقتىق مادەنيەتتى قالىپتاستىرۋعا باعىتتالعان جۇمىستار ۇزدىكسىز جۇرگىزىلەتىنىن اتاپ ءوتتى.
ء«بىز تۇراقتى تۇردە «اشىق ەسىك كۇندەرىن», سەمينارلار, دوڭگەلەك ۇستەلدەر جانە وقۋ ورىندارىمەن كەزدەسۋلەر وتكىزەمىز. الەۋمەتتىك جەلىلەردە بەينەروليكتەر مەن جادىنامالار جاريالانىپ, ءتۇسىندىرۋ جۇمىستارى بەلسەندى جۇرگىزىلىپ جاتىر. سونىمەن قاتار, استانا قالاسىنىڭ جوعارى وقۋ ورىندارىمەن بىرلەسىپ زاڭ كلينيكالارى اشىلدى. بۇل كلينيكالاردا ستۋدەنتتەر تاجىريبە جيناقتاپ قانا قويماي, حالىققا تەگىن قۇقىقتىق كەڭەس بەرەدى», دەپ ءتۇسىندىردى استانا قالاسىنىڭ ادىلەت دەپارتامەنتىنىڭ باسشىسى.
سالاعا جاڭا تەحنولوگيالاردى ەنگىزۋ اياسىندا قر نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسى – «ادىلەت» پورتالىندا ۆيرتۋالدى كونسۋلتانت-چات-بوت ىسكە قوسىلعان. ول ازاماتتاردىڭ سۇراقتارىنا ونلاين تۇردە قۇقىقتىق جاۋاپ بەرەدى. سونداي-اق ادىلەت ورگاندارى ازاماتتارعا مەملەكەت كەپىلدىك بەرگەن زاڭ كومەگىن ۇسىنادى. بۇل ساناتتا قۇقىقتىق كەڭەس بەرۋ, ارىزدار مەن وتىنىشتەردى راسىمدەۋگە كومەكتەسۋ, قۇقىقتىق ءتۇسىندىرۋ جۇمىستارىن جۇرگىزۋ قىزمەتتەرى بار. ال قاجەتتىلىك تۋعان جاعدايدا ادۆوكات تا بەكىتۋگە ىقپال ەتىپ, ازاماتتىڭ قۇقىعى سوتتا قورعالادى.
ازاماتتار ادىلەت ورگاندارىنا مىنا ماسەلەلەرمەن جۇگىنە الادى:
* اليمەنت, ەڭبەكاقى جانە وزگە دە قارىزداردى ءوندىرۋ;
* تۇرعىن ءۇي جانە م ۇلىكتىك داۋلار;
* كوممەرتسيالىق ەمەس ۇيىمداردى تىركەۋ جانە قايتا تىركەۋ;
* نوتاريۋستاردىڭ, ادۆوكاتتاردىڭ, زاڭ كونسۋلتانتتارىنىڭ قىزمەتىنە قاتىستى شاعىمدار مەن سۇراقتار.