جاپونيانىڭ كىر جۋاتىن فابريكاسى جۇمىستى ويىنعا اينالدىرىپ, ءوندىرىس ونىمدىلىگىن 18 پايىزعا ارتتىرعان.
بۇل جوبانى «Fortnite» ويىنىن جاساعان IT-ماماندار قولعا الىپتى. جۇيەنىڭ قالاي جۇمىس ىستەيتىنىنە توقتالساق, ءار ستانوكتىڭ الدىنا مونيتور قويىلعان. ال قىزمەتكەر پاراقتى ماشيناعا سالعان سايىن ونىڭ ەكرانداعى كەيىپكەرىنە ۋاقىت قوسىلادى. كوبەيگەن سەكۋندتار ارقىلى ۆيرتۋالدى ارالدا اۋىل تۇرعىزىپ, ەگىن ەگۋگە, رەسۋرس جيناۋعا بولادى. قىزمەتكەر قانشالىقتى بەلسەندى بولسا, سوعۇرلىم ونىڭ كەيىپكەرى بايىپ, جاڭا ءۇي, فەرما نەمەسە قۇرال-جابدىق يەلەنەدى. ەڭ قىزىعى, ويىن بارىسى ەكراندا تىكەلەي كورسەتىلىپ تۇرادى, سوندىقتان ءار ادام ءوز جەتىستىگىن كورە الادى. مامانداردىڭ ايتۋىنشا, بۇل ءتاسىل جۇمىسشىلاردىڭ ىنتاسىن ارتتىرىپ قانا قويماي, ەڭبەك ۇدەرىسىن ويىن سياقتى جەڭىل قابىلداۋعا كومەكتەسەدى.