سولتۇستىك قازاقستان وبلىسىندا رەسەيدىڭ 720 ازاماتىنا زاڭسىز جەكە سايكەستەندىرۋ ءنومىرى (جسن) بەرىلگەنى انىقتالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى, دەپ جازادى Egemen.kz.
«سولتۇستىك قازاقستان وبلىسىنىڭ پروكۋرورلارى شەتەل ازاماتتارىنا جەكە سايكەستەندىرۋ نومىرلەرىن بەرۋ كەزىندە زاڭ بۇزۋشىلىقتاردى انىقتادى», دەلىنگەن رەسمي حابارلامادا.
تەكسەرۋ ناتيجەسىندە بەلگىلى بولعانداي, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ سولتۇستىك قازاقستان وبلىسى بويىنشا فيليالى زاڭ تالاپتارىن ساقتاماعان. سونىڭ سالدارىنان قازاقستان رەسپۋبليكاسىنىڭ اۋماعىندا بولماعان 720 شەتەلدىك ازاماتقا وتىنىشتەرى راسىمدەلىپ, جسن بەرىلگەن.
پروكۋراتۋرا شەشىمىنە سايكەس, مۇنداي زاڭسىز بەرىلگەن جسن-دەردىڭ كۇشى جويىلىپ, كىنالى ازاماتتار جاۋاپقا تارتىلدى.