قوناەۆ قالاسىنىڭ 55 جىلدىعىنا وراي ايتۋلى شارالار ءجىبىن ۇزبەي جالعاسىن تابۋدا. سونىڭ ءبىرى ءارى بىرەگەيى قالالىقتار مەن قوناقتاردىڭ كوڭىلىن ءوسىرىپ, تىنىسىن كەڭەيتەتىن ءسان-سالتاناتى كەلىستى جاڭا سكۆەر قولدانىسقا بەرىلدى, دەپ جازادى Egemen.kz.
دەمالىس ايماعى قويشىمانوۆ-الماتى كوشەلەرىنىڭ قيىلىسىندا ورنالاسقان. نىساننىڭ جالپى اۋماعى 6527 شارشى مەتردى قۇرايدى.
ايماق تولىقتاي كوگالداندىرىلعان, ساندىك اعاشتار مەن كوپجىلدىق وسىمدىكتەر وتىرعىزىلعان, ورىندىقتار, اتكەنشەكتەر مەن لاندشافتتىق ەلەمەنتتەر رەتىمەن ورنالاستىرىلىپ, كوڭىل توعايتادى. كەڭىستىك ەكولوگيالىق, فۋنكتسيونالدىق جانە ەستەتيكالىق تالاپتارعا ساي جاساقتالۋىمەن ەرەكشەلەنەدى.
مۇنداعى باستى نىسان – ء«ومىر اعاشى» اتتى ارت-نىسان. ول التىن ادام كيىم ۇلگىلەرىنىڭ ەلەمەنتتەرى بەينەلەنگەن تاس قۇرىلىم تۇرىندە ورىندالعان. قاسىندا وسى بەينەلەردىڭ تاريحي ماڭىزىن باياندايتىن QR-كود ورناتىلعان.
مۇندا جاياۋ جۇرگىنشى جولدارى, فوتوايماقتار, قورشاۋ مەن اركالىق قۇرىلىمدار قاراستىرىلعان. ارنايى ازىرلەنگەن تۇجىرىمداماعا سايكەس, بۇل جاڭا كەڭىستىك جاي عانا دەمالىس ورنى ەمەس, وتباسىلىق سەرۋەن مەن مادەني دەمالىستىڭ مەكەنىنە اينالارى انىق.
الماتى وبلىسى.