ۇلتتىق ەكونوميكا مينيسترلىگى جاڭا سالىق كودەكسىنىڭ 718 جانە 723-باپتارىن ورىنداۋ ماقساتىندا ەكى ۇكىمەت قاۋلىسىنىڭ جوباسىن جاريالادى, دەپ جازادى Egemen.kz.
ءبىرىنشىسى – جەڭىلدەتىلگەن دەكلاراتسيا نەگىزىندە ارناۋلى سالىق رەجيمىن قولدانۋعا تىيىم سالىنعان قىزمەت تۇرلەرىنىڭ ءتىزىمى. بۇل قاتارعا ءىرى بيزنەسكە ءتان سالالار ەنگىزىلگەن: وڭدەۋ ونەركاسىبى, قۇرىلىس, جەر قويناۋىن پايدالانۋ, كوتەرمە ساۋدا, ءىرى ريتەيل, تەلەكوممۋنيكاتسيا, قارجى جانە ساقتاندىرۋ, كونسالتينگ جانە ت.ب.
ەكىنشىسى – ءوزىن-ءوزى جۇمىسپەن قامتىعاندارعا ارنالعان ارناۋلى سالىق رەجيمىن قولدانۋعا رۇقسات ەتىلگەن قىزمەت تۇرلەرىنىڭ ءتىزىمى. بۇل تىزىمگە اياق كيىم جوندەۋ, تاكسي, سۇلۋلىق سالوندارى, تۇرمىستىق تەحنيكا جوندەۋ, مادەنيەت پەن سپورت سالاسىنداعى قوسىمشا قىزمەتتەر سياقتى 46 باعىت كىرگەن.
قۇجاتتار ارناۋلى سالىق رەجيمىن ءادىل قولدانۋدى قامتاماسىز ەتۋگە, اكىمشىلەندىرۋدى جەڭىلدەتۋگە جانە شاعىن بيزنەستى قولداۋعا باعىتتالعان.