جاساندى ينتەللەكت مينيسترلىگىنىڭ جاڭا لوگوتيپى تانىستىرىلدى

ۆەدومستۆو وكىلدەرى لوگوتيپتىڭ ءاربىر ەلەمەنتىنىڭ ماعىناسىن ءتۇسىندىردى:

شەڭبەر – ۇلتتىق مادەنيەت پەن بىرلىكتىڭ نەگىزى سانالاتىن شاڭىراقتى, سونداي-اق قازاقستاننىڭ جاھاندىق اۋقىمىن جانە الەمگە اشىقتىعىن بىلدىرەدى.

شەڭبەر ىشىندەگى ءتورتبۇرىش پىشىندەر – ۇلتتىق جي ينفراقۇرىلىمىنىڭ نەگىزىن قۇرايتىن ميكروچيپتەر مەن سۋپەركومپيۋتەرلىك جۇيەلەرگە سىلتەمە.

تور ۇلگىسى – تسيفرلىق ماتريتسا, مۇنداعى ءاربىر ۇياشىق جالپى قوزعالىستىڭ ءبىر بولىگى: مەملەكەت, بيزنەس, عىلىم جانە قوعام.

لوگوتيپتىڭ تۇستەرى ءداستۇر ساباقتاستىعىن جانە بولاشاققا ۇمتىلىستى بەينەلەيدى.

«جاڭا تاڭبا جوعارى تەحنولوگيالار مەن ۇلتتىق قۇندىلىقتاردىڭ سيمۆوليكاسىن بىرىكتىرىپ, مينيسترلىكتىڭ ميسسياسىن – جاساندى ينتەللەكت پەن تسيفرلاندىرۋدى تۇراقتى دامۋدىڭ جانە جالپى وركەندەۋدىڭ قوزعاۋشى كۇشىنە اينالدىرۋ ماقساتىن كورسەتەدى», دەپ قوستى ۆەدومستۆو وكىلدەرى.

ەسكە سالا كەتەيىك, قازاقستان پرەزيدەنتى قاسىم-جومارت توقاەۆ حالىققا جولداۋىندا ەلدە جاساندى ينتەللەكت مينيسترلىگىن قۇرۋ تۋرالى جاريالاعان بولاتىن.