سولتۇستىك قازاقستاننىڭ ەلەكتر قۋاتىن تاراتۋشى جەكەمەنشىك «سكرەك» كومپانياسى ءتۇرلى سىلتاۋمەن 2026 جىلدان باستاپ 1 كۆت ساعات ەلەكتر قۋاتىنىڭ ءتاريفىن بىردەن 70 پايىزعا كوتەرمەك. بۇل - بۇگىنگى 9,09 تەڭگە بىردەن 15,34 تەڭگەگە وسەدى دەگەن ءسوز, دەپ جازادى Egemen.kz.
كاسىپورىننىڭ تولىپ جاتقان سەبەپتەرىنىڭ قاتارىندا ماتەريالدىق شىعىنداردىڭ ارتۋى, جابدىقتاردىڭ ەسكىرۋى, ولاردى ساتىپ الاتىن ۆاليۋتانىڭ قىمباتتاۋى جانە ت.ب. بار. بۇلار تۋرالى قوعامدىق تالقىلاۋدا كاسىپورىننىڭ باس ديرەكتورى الەكساندر چەكۋلاەۆ جاريالادى. ارينە, ونىڭ ايتقان سەبەپتەرىنىڭ جانى بار, بىراق بىردەن اسپانداتا كوتەرۋ بارلىق سالانىڭ ونىمدەرى مەن قىزمەتتەرىنىڭ قىمباتتاۋىنا, ەڭ باستىسى حالىقتىڭ تۇرمىسىنىڭ اۋىرلاۋىنا سوعاتىنىن باستىق ەسكەرمەيتىن سياقتى. نەمەسە «تۇيە سۇرا, بيە بەرەر» دەگەن ناقىلدى ەسكەرىپ تۇرعان بولۋى كەرەك. الداعى ۋاقىتتا بۇل ماسەلەنى وكىلەتتى ورگاندار زەرتتەپ, وزدەرىنىڭ شەشىمىن ايتادى.
حالىقتىڭ سۇيەنەتىنى مونوپولياعا قارسى كوميتەت قوي, ولار ءۇمىتتى اياق استى ەتپەس دەپ ويلايمىز.
سولتۇستىك قازاقستان وبلىسى