الماتى قالاسىندا سانيتارلىق تازالىق جۇمىستارىن ۇيىمداستىرۋدىڭ جاڭا جۇيەسى ەنگىزىلدى. سونىڭ ناتيجەسىندە كوممۋنالدىق سالادا ەڭبەك ەتەتىن جۇمىسشىلاردىڭ ەڭبەكاقىسى ەكى ەسە ءوستى. بۇل تۋرالى قالا اكىمىنىڭ ورىنباسارى الماسحان سماتۋلاەۆ مالىمدەدى, دەپ حابارلايدى Egemen.kz.
ونىڭ ايتۋىنشا, بۇرىنعى 170 مىڭ تەڭگەنىڭ ورنىنا قازىر اۋلا سىپىرۋشىلار 350 مىڭ تەڭگەگە دەيىن جالاقى الا الادى. سونىمەن قاتار, قالا اۋداندارىن تازالاۋ ىسىنە تارتىلعان مامانداردىڭ سانى ەكى ەسەگە ارتىپ, 3 175 ادامعا جەتتى.
جاڭا جۇيە بويىنشا ءاربىر اۋدانعا ءبىر عانا مەردىگەر جاۋاپ بەرەدى. ول كوشە, تروتۋار, ارىق, ايالداما جانە جاسىل ايماقتاردىڭ تازالىعىن تولىق قامتاماسىز ەتپەك. بۇرىن ءبىر اۋماقتا بىرنەشە كومپانيا قاتار جۇمىس ىستەپ, جاۋاپكەرشىلىكتىڭ ناقتى بولىنبەۋى مەن قوسىمشا شىعىنداردىڭ تۋىنداۋىنا اكەلەتىن.
«فاسادتان فاسادقا دەيىن» قاعيداتىنىڭ ەنگىزىلۋى جۇمىستاردى ۇيلەستىرۋگە جانە باقىلاۋدى كۇشەيتۋگە مۇمكىندىك بەرەدى.
قالا اكىمدىگى رەسۋرستارى جەتكىلىكتى بەس مەردىگەر كومپانيامەن عانا جۇمىسىن جالعاستىرادى. قالعانىمەن كەلىسىمشارتتار توقتاتىلادى. بۇدان بولەك, ساپالى سانيتارلىق تازالىق جۇرگىزۋ ءۇشىن ءۇش اۋىسىمدى تاۋلىك بويعى جۇمىس كەستەسى ەنگىزىلىپ, قوسىمشا 300-دەن استام ارنايى تەحنيكا ساتىپ الىنباق.