جىلىوي اۋدانى اكىمدىگىنىڭ مالىمەتىنشە, مالدىڭ نەدەن قىرىلعانى ازىرگە بەلگىسىز, دەپ جازادى Egemen.kz.
«باقاشى ۋچاسكەسىندە 21-22 قىركۇيەكتە بىرقاتار ءىرى قارا مالدىڭ قىرىلعانى انىقتالدى. ۆەتەريناريالىق ماماندار تەكسەرۋ جۇرگىزدى. ولەكسەلەردەن جۇقپالى اۋرۋ بەلگىلەرى تابىلعان جوق. الدىن الا سەبەبى ۋلانۋ دەپ بولجانىپ وتىر», دەپ حابارلادى اۋداندىق اكىمدىكتەن.
اۋداندىق ۆەتەريناريا ستانساسىنىڭ باسشىسى نۇربولات ءوربىسىنوۆتىڭ ايتۋىنشا, زەرتحانالىق تەكسەرۋ ءۇشىن مالدىڭ ولەكسەلەرىنەن پاتولوگيالىق ۇلگىلەر مەن جەم وزەنىنەن سۋ سىنامالارى الىنعان. ناقتى قورىتىندى ارنايى زەرتتەۋلەردەن كەيىن بەلگىلى بولادى.