كۇنى كەشە جاريالانعان گەللاپ ينستيتۋتىنىڭ جاھاندىق رەيتينگىندە سينگاپۋر 12-رەت الەمدەگى ەڭ قاۋىپسىز مەملەكەت اتاندى.
ساۋالنامادا سينگاپۋرلىقتاردىڭ 98 پايىزى تۇندە جالعىز سەرۋەندەگەندە وزدەرىن قاۋىپسىز سەزىنەتىنىن ايتقان. بۇل – الەمدەگى ەڭ جوعارى كورسەتكىشتەردىڭ ءبىرى. تاعى ءبىر قىزىعى, ەرلەر مەن ايەلدەردىڭ قاۋىپسىزدىك سەزىمى اراسىنداعى ايىرماشىلىق جوقتىڭ قاسى, ياعني ەر ازاماتتاردىڭ 98 پايىزى, ايەلدەردىڭ 97 پايىزى وزدەرىن قاۋىپسىز دەپ ساناعان. ماماندار مۇنى قىلمىستىڭ وتە تومەن دەڭگەيىمەن, پوليتسيانىڭ ءتيىمدى قىزمەتىمەن جانە قوعامدىق ءتارتىپتىڭ قاتاڭ ساقتالۋىمەن بايلانىستىرادى. الەمنىڭ بىرنەشە ەلىندە تۇندە جالعىز ءجۇرۋ قاۋىپتى سانالسا, سينگاپۋردا تۇرعىنداردىڭ باسىم بولىگى مۇنداي قورقىنىشتى مۇلدەم سەزىنبەيتىن كورىنەدى.