اركتيكادا «مۇز گۇلدەرى» دەپ اتالاتىن تاڭعاجايىپ قۇبىلىس بار. بۇل – مۇزدىڭ جۇقا قاباتىنىڭ بەتىندە ءوسىپ شىعاتىن بىرنەشە سانتيمەترلىك ادەمى كريستالدار.
بۇرىن عالىمدار وسى ءبىر ەرەكشە گۇلدەر اۋاداعى ىلعالدان نەمەسە مۇز اراسىنداعى تۇزدى سۋدان تۇزىلەدى دەپ ويلاعان. بىراق كەمبريدج ۋنيۆەرسيتەتىنىڭ زەرتتەۋشىلەرى جاڭا دەرەك اشتى. ولاردىڭ ايتۋىنشا, ءدال وسى ەرەكشە قۇبىلىس مۇز بەن اۋا تەمپەراتۋراسىنىڭ ايىرماشىلىعى كەمىندە 20°س بولعان جاعدايدا عانا پايدا بولادى. ياعني مۇز گۇلدەرى اركتيكادا عانا ەمەس, تۇششى سۋقويمالارىندا دا ءتۇزىلۋى مۇمكىن. الايدا ولاردىڭ عۇمىرى قىسقا. مۇز قالىڭداعان سايىن, گۇلدەر جوعالىپ كەتەدى.