استانا. 20 ناۋرىز. يەمەن ەلىنىڭ استاناسى – سانا قالاسىنداعى مەشىتتەردە بولعان تەراكت ناتيجەسىندە 77 ادام قازا تاپتى. بۇل تۋرالى «ارگۋمەنتى ي فاكتى» حابارلادى.
«يەمەندەگى ەكى مەشىتتە ءۇش رەت ورىن العان لاڭكەستىكتىڭ ناتيجەسىندە قازا تاپقان قۇرباندار سانى 77-گە دەيىن جەتتى», دەپ باياندادى Interfax.
ءبىرىنشى لاڭكەس ءوزىن سانانىڭ وڭتۇستىگىندەگى بادر مەشىتىندە جارىپ جىبەردى. ەكىنشىسى مۇنى وسى مەشىتكە كىرەبەرىستە ورىندادى. ال ءۇشىنشى شاھيد قالانىڭ تەرىستىك اۋدانىنداعى ال-حاشاحۋش مەشىتىنە شابۋىل جاسادى.
يەمەننىڭ ارنايى قىزمەت ورىندارى بۇل جارىلىستاردىڭ ءبارىنىڭ ارتىندا «ال-كايدا» تۇر دەپ ەسەپتەيدى. الايدا, ۇيىمنىڭ جەرگىلىكتى ۇياسىنىڭ ليدەرى مۇنى مويىنداپ وتىرعان جوق.
بۇدان بۇرىن يەمەندەگى مەشىتتەردە بولعان جارىلىستاردا 55 ادامنىڭ قۇربان بولعانى حابارلانىپ ەدى. جەرگىلىكتى جۋرناليستەردىڭ مالىمەتتەرى بويىنشا, ولاردىڭ باسىم كوپشىلىگى حۋسيتتەر كورىنەدى. يەمەندە قاڭتار ايىنان باستاپ ازاماتتىق قوعام ەكىگە جارىلدى. سول جولى شيتتەر استاناداعى پرەزيدەنت سارايىن باسىپ الىپ, مەملەكەت باسشىسى ابد راببا مانسۋر حادي پارلامەنتتەن ءوزىن وتستاۆكاعا جىبەرۋدى سۇراۋعا ءماجبۇر ەتكەن بولاتىن.
مۇرات ايتقوجا.