قالا كۇنىنە وراي الماتى زووباعى كوپبالالى جانە الەۋمەتتىك جاعدايى تومەن وتباسىلارعا, ەرەكشە قاجەتتىلىگى بار بالالاردىڭ وتباسىلارىنا, سونداي-اق مەكتەپ-ينتەرناتتار مەن وڭالتۋ ورتالىقتارىنىڭ تاربيەلەنۋشىلەرىنە تەگىن ەكسكۋرسيا ۇيىمداستىردى, دەپ حابارلايدى Egemen.kz.
سوڭعى بىرنەشە كۇننىڭ ىشىندە مىڭنان استام وقۋشى ەكسكۋرسياعا قاتىسىپ, جانۋارلار الەمى جايلى تىڭ مالىمەت العان. اسىرەسە, مۇنداعى ءداستۇرلى شولۋ باعىتتارى كوپشىلىكتى قىزىقتىرعان. كەلۋشىلەرگە بارلىق جانۋارلاردى قىزىقتاۋعا مۇمكىندىك تۋىپ, «قىزىل كىتاپ بەتتەرىنەن», «نەپتۋننىڭ سۋ استى الەمى» سەكىلدى ارنايى تاقىرىپتىق ەكسكۋرسيالار ۇسىنىلادى.
ء«بىزدىڭ تاپسىرىس كەستەمىز ايدىڭ سوڭىنا دەيىن تولىپ تۇر. اۋا رايى قولايلى بولىپ, مەرەكە كۇندەرى مۇمكىندىگىنشە كوپ ادامدى قۋانتا الامىز دەپ سەنەمىز», دەدى دامۋ جانە قوعاممەن بايلانىس ءبولىمىنىڭ باسشىسى اقجامي راحيموۆا.
ايتا كەتەيىك, زووباققا 6 جاسقا دەيىنگى بالالار, ەرەكشە قاجەتتىلىگى بار ادامدار, جاسى بويىنشا زەينەتكەرلەر, مەرزىمدى اسكەري قىزمەتشىلەر جانە 15 جاسقا دەيىنگى بالالارى بار كوپبالالى انالار تەگىن كىرە الادى. ول ءۇشىن ءتيىستى قۇجاتتى كورسەتىپ, كاسسادان «نولدىك» بيلەت الۋ جەتكىلىكتى.