«OpenAI» كومپانياسى ChatGPT-ءدىڭ بالالارعا ارنالعان ارنايى نۇسقاسىن ازىرلەپ جاتىر. ەگەر جۇيە قولدانۋشىنىڭ جاسىن ناقتى انىقتاي الماسا, بىردەن جاسوسپىرىمدەرگە ارنالعان بەتكە اۋىسادى. اتا-انالار بالانىڭ اككاۋنتىن باقىلاپ, پايدالانۋ ۋاقىتىن شەكتەي الادى.
ەڭ قىزىعى, ءجاسوسپىرىمنىڭ پسيحولوگيالىق كۇيزەلىسىن بايقاسا, جۇيە بالانىڭ اتا-اناسىنا دەرەۋ حابار بەرەدى ەكەن. بۇل قادامدار بەكەر ەمەس. عالامتورداعى ەڭ ۇلكەن قاتەردىڭ ءبىرى – كيبەربۋللينگ. مىسالى, اقش مەكتەپتەرىنىڭ 15%-ى اپتاسىنا كەم دەگەندە ءبىر رەت كيبەربۋللينگ تۋرالى شاعىم تىركەيدى. الەۋمەتتىك جەلىلەردە قىسىمعا ۇشىرايتىن بالالار سانى جىل سايىن ارتىپ كەلەدى. سوندىقتان «OpenAI»-ءدىڭ جاڭا باستاماسى وسىعان توسقاۋىل بولۋعا باعىتتالعان ماڭىزدى قادام بولىپ تۇر.