الەم ەلدەرى قوقىستىڭ كوبەيگەنىنە الاڭداپ جاتسا, قىتاي كەرىسىنشە قوقىس تاپشىلىعىن سەزىنىپ وتىر. سونىڭ سالدارىنان ەلدەگى ءىرى قوقىس ورتەيتىن زاۋىتتار تولىق قۋاتتا جۇمىس ىستەي الماي, ءتىپتى كەيبىرى قالدىقتى سىرتتان ساتىپ الۋعا ءماجبۇر.
بۇل – كەيىنگى جىلدارى جۇرگىزىلگەن جاڭا ەكولوگيالىق ساياساتتىڭ ناتيجەسى. بيلىك قوقىس سۇرىپتاۋدى قاتاڭداتىپ, جاڭا ەرەجەلەر ەنگىزدى. ال حالىق جاۋاپتىراق بولا باستادى. مامانداردىڭ ايتۋىنشا, مۇنداي تەڭگەرىمسىزدىك الداعى ۋاقىتتا ەكونوميكالىق تا, ەكولوگيالىق تا قيىندىق اكەلۋى مۇمكىن. ويتكەنى ميللياردتاعان قارجىعا سالىنعان زاۋىتتاردىڭ بوس تۇرۋى ەل بيۋدجەتىنە دە, قالدىقتاردى باسقارۋ جۇيەسىنە دە سالماق تۇسىرەدى.