مالايزيانىڭ بورنەو ارالىنىڭ سولتۇستىگىندەگى ساباح شتاتىندا ۇزاققا سوزىلعان نوسەر جاۋىن سالدارىنان بولعان كوشكىننەن كەم دەگەندە 11 ادام قازا تاۋىپ, بىرنەشە ادام حابار-وشارسىز كەتكەن, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
تابيعي اپات كوتا-كينابالۋ قالاسىنا جاقىن اۋىلدىڭ بىرىندە ورىن العان. ەلدىڭ الەۋمەتتىك قامتاماسىز ەتۋ دەپارتامەنتىنىڭ مالىمەتى بويىنشا, سۋ تاسقىنىنان زارداپ شەككەندەر سانى 1788-دەن استى, ولار 12 كومەك كورسەتۋ ورتالىعىنا ورنالاستىرىلعان.
پرەمەر-مينيستر انۆار يبراگيم زارداپ شەككەندەرگە قوسىمشا كومەك رەتىندە 10 ميلليون رينگگيت (2,38 ميلليون اقش دوللارى) بولىنەتىنىن جاريالادى. بۇعان دەيىن 11 ميلليون رينگگيت قاراجات قاراستىرىلعان بولاتىن.
ەستەرىڭىزگە سالا كەتەيىك, بۇعان دەيىن سۋداننىڭ باتىسىندا دا كوشكىن بولىپ, سالدارىنان 1000-نان استام ادام قازا تاپقان ەدى.