م. كاتاەۆ اتىنداعى وقۋشىلار سارايىنىڭ «انتارەس» كلۋبىنىڭ جاس ىزدەنۋشىلەرى وزدەرىنىڭ قىزىعۋشىلىعىن بولاشاق ماماندىعىنا اينالدىرىپ كەلەدى, دەپ جازادى Egemen.kz.
تەحنيكالىق شىعارماشىلىق پەن زەرتتەۋ جۇمىستارى – ماماندىققا اپارار داڭعىل جول. «انتارەس» كلۋبىنىڭ تۇلەكتەرى تەحنيكالىق شىعارماشىلىق پەن زەرتتەۋشىلىك قىزمەت كاسىبي باعىت تاڭداۋدىڭ شىنايى جولىنا اينالاتىنىن ايقىن دالەلدەپ ءجۇر.
ءححى عاسىردىڭ وقۋشىسى – تەحنولوگيالار مەن سان ءتۇرلى كاسىپتىڭ ورتاسىندا ءومىر سۇرەدى. قوسىمشا ءبىلىم بەرۋ پەداگوگىنىڭ باستى مىندەتى – بالانىڭ ءوزىن-ءوزى تاجىريبە ارقىلى تابۋىنا كومەكتەسۋ.
«انتارەستە» بالالار ءارتۇرلى ءرولدى بايقاپ كورەدى: كونسترۋكتور, زەرتتەۋشى, ينجەنەر, استرونوم. وقۋشى قۇرال قۇراستىرىپ, زىمىراننىڭ ماكەتىن جاساپ, تەلەسكوپپەن جۇمىس ىستەگەندە ول تەك ءبىلىم الىپ قانا قويماي, شىنايى اشىلىمنىڭ ءدامىن تاتادى.
زەرتتەۋ جۇمىسى عىلىمي ويلاۋدى دامىتادى: سۇراق قويۋعا, بولجام جاساۋعا, ونى باقىلاۋ مەن تاجىريبەلەر ارقىلى دالەلدەۋگە ۇيرەتەدى. كلۋبتا بالالار ايدى, يۋپيتەردى, ساتۋرندى باقىلايدى, ۆەنەرا فازالارىن تىركەيدى. وزدەرىن ناعىز زەرتتەۋشىدەي سەزىنەدى.
مىسالى, كلۋب تۇلەگى سادۋەۆ اليار جۇلدىزدارعا قىزىعۋشىلىقتان باستالىپ, اي فازالارىنىڭ جەكە كۇنتىزبەسىن جاسادى. ونىڭ ەڭبەگى باسقا بالالارعا باقىلاۋلاردى جوسپارلاۋعا كومەكتەستى, ال ءوزى استرونوميامەن بايلانىستى ماماندىق جايلى ويلانۋعا ىنتالاندى.
تاعى ءبىر قاتىسۋشى دۋحتۋرباەۆ ەلحان شاعىن زىمىران ۇشىرۋعا ارنالعان قوندىرعى ۇلگىسىن جاساپ شىقتى. ول ءۇشىن فيزيكا زاڭدارىن تاجىريبە جۇزىندە تەكسەرۋ ماڭىزدى بولدى. قازىر ول تەحنيكالىق بايقاۋلارعا بەلسەنە قاتىسىپ, ينجەنەرلىك باعىتقا سەنىمدى قادام جاساپ كەلەدى.
كيم دانيل باعدارلامالاۋعا قىزىعىپ, باقىلاۋ ناتيجەلەرىن وڭدەۋگە ارنالعان كومپيۋتەرلىك باعدارلاما جاسادى. بۇل تاجىريبە وعان ءىت جانە باعدارلامالاۋ – بولاشاق ماماندىعى بولا الاتىنىن ۇعىندىردى.
حالىقارالىق جەتىستىكتەر دە بار. ماسەلەن, يبراەۆ ميرالي قاتاڭ ىرىكتەۋدەن ءوتىپ, جازدا نيدەرلاندتاعى زەرتتەۋ ميسسياسىنا قاتىسىپ, قازاقستاندى حالىقارالىق دەڭگەيدە تانىتتى.
«انتارەس» تۇلەكتەرىنىڭ كوبى تەحنيكالىق جانە جاراتىلىستانۋ باعىتتارىندا ءبىلىمىن جالعاستىرىپ, وليمپيادالارعا, بايقاۋلار مەن كونفەرەنتسيالارعا قاتىسادى. كەيبىرى ينجەنەريا, فيزيكا, عارىش سالاسىنداعى العاشقى كاسىبي قادامدارىن جاساپ ۇلگەردى.