الماتى وبلىسى بويىنشا قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى دەپارتامەنتىنىڭ باسشىسى گۇلميرا وتەگەنوۆا قوناەۆ قالاسىندا ورنالاسقان «قاپشاعاي ءوڭىرىنىڭ گاز جەلىلەرى» جشس نىساندارىنا ءباسپاسوز تۋرىن وتكىزدى. ءىس-شاراعا جۋرناليستەر, دەپۋتاتتار, مەملەكەتتىك ورگاندار مەن قوعامدىق بىرلەستىكتەردىڭ وكىلدەرى قاتىستى, دەپ جازادى Egemen.kz.
كومپانيا ديرەكتورى باتۋرين ابدريموۆ جوبالاردىڭ جۇزەگە اسىرىلۋ بارىسى تۋرالى بايانداپ, 2021–2025 جىلدارعا ارنالعان جالپى سوماسى 173,2 ملن تەڭگە ينۆەستيتسيالىق باعدارلاما بەكىتىلگەنىن ايتتى. ونىڭ ىشىندە 2024 جىلعا 39,4 ملن تەڭگە قاراستىرىلعان.
باعدارلاما اياسىندا قوناەۆ قالاسىنىڭ 1-شاعىناۋدانىندا ۇزىندىعى 2,5 شاقىرىم تومەن قىسىمدى گاز تاراتۋ جەلىسىنىڭ قۇرىلىسى تولىق اياقتالدى. نىسان پايدالانۋعا بەرىلىپ, 2 271 تۇتىنۋشى كوگىلدىر گازعا قول جەتكىزدى. ونىڭ ىشىندە 1 680 ابونەنت بۇگىندە قوسىلىپ ۇلگەردى.
بيىلعى جىلى قۇنى 38,1 ملن تەڭگەنى قۇرايتىن جۇمىستار جالعاسۋدا. قازىر قالانىڭ №18 شاعىناۋداندا ۇزىندىعى 2,2 شاقىرىم بولاتىن گاز جەلىلەرىنىڭ قۇرىلىسى باستالعان. جوبا تولىق اياقتالعاننان كەيىن تاعى 2 مىڭنان استام تۇرعىن كوگىلدىر وتىنعا قوسىلاتىن بولادى.
قۇرىلىس جۇمىستارىن وسى جىلدىڭ جەلتوقسان ايىندا اياقتاۋ جوسپارلانعان.
الماتى وبلىسى.