يلون ماسك نەگىزىن قالاعان Neuralink كومپانياسى الەم بويىنشا 12 ادامعا مي چيپتەرى ورناتىلعانىن جاريالادى, دەپ حابارلايدى Egemen.kz.
Neuralink مالىمەتىنشە, سىناققا قاتىسۋشىلاردىڭ يمپلانتتاردى پايدالانۋ ۇزاقتىعى جيىنتىعىندا 2000 كۇننەن جانە 15 000 ساعاتتان اسىپ كەتكەن. كومپانيا ءوز حابارلاماسىندا بارلىق قاتىسۋشىلارىمىزبەن بىرگە نەيروينتەرفەيستەردىڭ جاڭا مۇمكىندىكتەرىن زەرتتەۋدى جالعاستىرۋعا قۋانىشتى ەكەندەرىن اتاپ وتكەن.
سونىمەن قاتار قاتىسۋشىلار سانىنىڭ اكۇرت وسكەنى اتاپ وتىلگەن. ماسەلەن, ماۋسىم ايىندا بار-جوعى جەتى ناۋقاستىڭ عانا چيپ يەلەنگەنى جاريالانعان ەدى. Neuralink-ءتىڭ ادامعا العاش رەت مي يمپلانتاتىن ورناتقانى تۋرالى دەرەك 2024 جىلدىڭ قاڭتارىندا بەلگىلى بولعان.
سونداي-اق, بيىلعى شىلدە ايىندا Neuralink ءوز مي ينتەرفەيستەرىنىڭ الەۋەتىن زەرتتەۋگە باعىتتالعان كەڭ اۋقىمدى عىلىمي جۇمىس باستاعان. بۇل زەرتتەۋگە ۇلىبريتانيانىڭ لوندون ۋنيۆەرسيتەتتىك كوللەدجى مەن نيۋكاسل اۋرۋحاناسىنىڭ عالىمدارى قاتىسىپ جاتىر.