قىزىلوردا وبلىسى جاڭاقورعان اۋدانىندا 1847 جۇمىسشىنىڭ جالاقىسى ۋاقىتىلى تولەنبەگەن, دەپ حابارلايدى Egemen.kz.
اۋداندىق پروكۋراتۋرا كاسىپكەرلەر تاراپىنان تۇسكەن شاعىمدار بويىنشا تالداۋ جۇرگىزگەن. ناتيجەسىندە اۋدانداعى 81 جەكە مەنشىك بالاباقشانىڭ جۇمىسكەرلەرىنە ەڭبەكاقى ۋاقىتىلى بەرىلمەي كەلگەنى انىقتالعان.
بۇل جاعداي 1847 ادامنىڭ ايلىق جالاقىسىن كەشىكتىرۋگە اكەلگەن. ازاماتتاردىڭ كونستيتۋتسيالىق قۇقىقتارىنىڭ بۇزىلۋىنا بايلانىستى اۋداندىق پروكۋراتۋرا قاداعالاۋ اكتىسىن ەنگىزىپ, زاڭعا قايشى ارەكەتتەردىڭ الدىن العان.
قورىتىندىسىندا جالپى سوماسى 720 ميلليون تەڭگەدەن استام قاراجات ءوندىرىلىپ, جۇمىسشىلارعا بەرىلگەن.