قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى Enbek.kz ەلەكتروندى ەڭبەك بيرجاسىندا جاڭا مۇمكىندىكتىڭ ىسكە قوسىلعانىن حابارلادى. ەندى جۇمىس ىزدەۋشىلەرگە جاساندى ينتەللەكت كومەگىمەن بوس ورىنداردى ىرىكتەۋ قىزمەتى قولجەتىمدى, دەپ حابارلايدى Egemen.kz.
مينيسترلىكتىڭ دەرەگىنشە, سەرۆيس 2025 جىلعى ساۋىردە ىسكە قوسىلعان. 1 قىركۇيەكتەگى جاعداي بويىنشا, ونىڭ كومەگىمەن 50 مىڭنان استام ۇمىتكەرگە جەكە ۇسىنىستار جاسالعان.
مامانداردىڭ ايتۋىنشا, قولدانىلىپ وتىرعان جي مودەلى تۇيىندەمەلەر مەن بوس جۇمىس ورىندارىن تالداپ, تالاپ ەتىلەتىن ماماندىقتار مەن كاسىبي توپتاردى, كۇتىلەتىن جالاقىنى, تۇرعىلىقتى ايماقتى جانە كاسىبي داعدىلاردى ەسكەرىپ ۇسىنىس بەرەدى.
«بۇل رەتتە زاماناۋي تابيعي ءتىلدى وڭدەۋ جانە ماشينالىق وقىتۋ تەحنولوگيالارى قولدانىلادى», دەپ اتاپ ءوتتى ۆەدومستۆو.جوبا تۇيىندەمەلەر مەن بوس جۇمىس ورىندارىن تالداۋ پروتسەسىن اۆتوماتتاندىرۋعا باعىتتالعان. بۇل جۇمىس بەرۋشىلەر ءۇشىن لايىقتى كانديدات ىزدەۋدى ەداۋىر جەدەلدەتىپ, قول ەڭبەگىن ازايتتى.
ايتا كەتەيىك, تۇيىندەمەنى وڭدەۋ ۋاقىتى 2 سەكۋندتان اسپايدى, ال بوس جۇمىس ورنىن قولمەن ىرىكتەۋ ۋاقىتى 80%-عا قىسقارعان.
«الداعى ۋاقىتتا جي تەحنولوگيالارى جۇمىس ىزدەۋ پروتسەسىن 90%-عا جەدەلدەتەدى دەپ كۇتىلۋدە», دەدى مينيسترلىك وكىلدەرى.جي تەحنولوگيالارى قازاقستاندىقتاردىڭ ءومىرىنىڭ اجىراماس بولىگىنە اينالۋدا. 2025 جىلعى 8 قىركۇيەكتە حالىققا جولداۋىندا پرەزيدەنت قاسىم-جومارت توقاەۆ ەلدە جاساندى ينتەللەكت مينيسترلىگى قۇرىلاتىنىن مالىمدەگەن ەدى. ونىڭ ايتۋىنشا, جاڭا مينيسترلىك جاساندى ينتەللەكتتى بارلىق سالاعا ەنگىزۋدى رەتتەۋمەن اينالىسادى.