الەۋمەتتىك جەلىلەرگە مونيتورينگ جۇرگىزۋ بارىسىندا پوليتسەيلەر كوپقاباتتى تۇرعىن ءۇيدىڭ توبەسىندە بەلگىسىز ءجاسوسپىرىمنىڭ كىرپىشتەردى قالاپ قويعانىن بايقاعان, دەپ حابارلايدى Egemen.kz.
مۇنداي ارەكەت ازاماتتاردىڭ ءومىرى مەن دەنساۋلىعىنا قاۋىپ توندىرەدى.
«اتالعان دەرەك بويىنشا قۇقىقبۇزۋشىنىڭ جەكە باسىن انىقتاۋ شارالارى جۇرگىزىلۋدە. ول بەلگىلى بولعاننان كەيىن, ءجاسوسپىرىمنىڭ اتا-اناسى بالا تاربيەسىنە ءتيىستى دارەجەدە كوڭىل بولمەگەنى ءۇشىن زاڭدا كوزدەلگەن جاۋاپكەرشىلىككە تارتىلادى», دەپ مالىمدەدى قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
قاراعاندى وبلىسى