استانا. 20 ناۋرىز. وزبەكستاندا پرەزيدەنت سايلاۋى وتەتىن كۇنى, ياعني, 29 ناۋرىزدا ەلدە بولمايتىن ازاماتتار ءۇشىن مەرزىمىنەن بۇرىن داۋىس بەرۋگە رۇقسات بار. دالىرەگى, بۇل توپتاعىلار 19-27 ناۋرىز ارالىعىندا ەل پرەزيدەنتىنە ۇمىتكەرلەردىڭ بىرىنە داۋىسىن بەرىپ, ءوز تاڭداۋىن جاساي الادى. بۇل تۋرالى REGNUM cايتى حابارلادى.
وزبەكستان ورتالىق سايلاۋ كوميسسياسىنىڭ توراعاسى نيزاميتدين نۇرماتوۆتىڭ ايتۋىنشا, ەگەر كەيبىر ازامات ءوز تىركەلگەن مەكەندە سايلاۋ وتەتىن كۇنى بولمايتىنىن الدىن الا بىلسە, وندا ول زاڭ بويىنشا ەرتەرەك, ياعني ارنايى بەلگىلەنگەن 19-27 ناۋرىز ارالىعىندا ءوز داۋىسىن بەرە الادى.
ەسكە سالا كەتەيىك, وزبەكستاندا پرەزيدەنت سايلاۋى ۇستىمىزدەگى جىلدىڭ 29 ناۋرىزىندا وتەدى. ساياسي باسەكەدە جەڭىپ شىققان ۇمىتكەر ەلدى 5 جىل باسقارۋ مۇمكىندىگىنە يە بولادى.
جولدىباي بازار.
دەرەك: REGNUM.
سۋرەت: ult.kz.