قازاقستاننىڭ باس پروكۋراتۋراسى Google-داعى 2,5 ميلليارد Gmail قولدانۋشىنىڭ دەرەكتەرى تاراپ كەتكەنىن حابارلادى. وسىعان بايلانىستى قۇزىرلى ورگان ەل ازاماتتارىنا Gmail-داعى قۇپياسوزىن وزگەرتۋگە كەڭەس بەرىپ وتىر, دەپ جازادى Egemen.kz.
ShinyHunters حاكەرلىك توبى بۇل ارەكەتىن Google قىزمەتكەرىن الداۋ ارقىلى جۇزەگە اسىرىپ, Salesforce Data Loader قوسىمشاسىن زاڭسىز پايدالانعان.
بۇل دەرەكتەردى قولدانا وتىرىپ, قىلمىسكەرلەر Google اتىنان قوڭىراۋ شالىپ, جالعان حابارلامالار تاراتىپ, قولدانۋشىلاردان Gmail ءپارولىن قالپىنا كەلتىرۋدى تالاپ ەتكەن. وسىلايشا ولار كودتارعا, قۇپياسوزدەر مەن اككاۋنتتارعا قولجەتكىزگەن.
باس پروكۋراتۋرا الاياقتىقتاردىڭ الدىن الىپ, قاۋىپسىزدىك ءۇشىن مىناداي شارالاردى ورىنداۋدى ۇسىنىپ وتىر: 1. قاراپايىم, قايتالاناتىن قۇپياسوزدى بىردەن اۋىستىرۋ;2. ەكى فاكتورلى اۋتەنتيفيكاتسيانى قوسۋ نەمەسە زاماناۋي قورعاۋ تاسىلدەرىن (بيومەتريا, PIN) پايدالانۋ;3. Google اتىنان دەپ كەلەتىن قوڭىراۋلار مەن حاتتارعا سەنبەۋ — ون شاقتى جاعدايدىڭ توعىزىندا بۇل الاياقتىق بولىپ شىعادى;4. قولدانبالار مەن قوسىلىمداردى باقىلاپ, ارتىق رۇقساتتاردى شەكتەۋ.