پنەۆماتيكالىق پوشتا دەگەندى ەستۋىڭىز بار ما؟
حاتتار شاعىن كاپسۋلاعا سالىنىپ, ارنايى جەراستى قۇبىرلارى ارقىلى قىسىلعان اۋانىڭ كۇشىمەن ەكىنشى نۇكتەگە زۋلاپ جەتەتىن. قالاداعى پوشتا بەكەتتەرى ءبىر-بىرىمەن وسىلاي بايلانىسىپ, جىلدام حات-حابار الماسىپ وتىرعان. XIX عاسىردىڭ ورتاسىنان باستاپ ەۋروپا مەن امەريكاداعى ءىرى قالالار وسى ءتاسىلدى كەڭىنەن قولداندى. الايدا جاڭا تەحنولوگيالار دامىعان سايىن پنەۆموپوشتانىڭ داۋرەنى دە اياقتالدى. سوڭعى جۇمىس ىستەگەن جۇيە چەحيا استاناسى پراگادا بولدى. الايدا 2002 جىلعى سۋ تاسقىنىنان كەيىن مۇنداعى قىزمەت تە ءبىرجولا توقتادى.